اخواتي المطلقات انتم اللي فاهمين ادخلوا ربي يسعد قلوبكم

السلام عليكم ورحمة الله وبركاته
صبحكم الله بكل سعاده وتوفيق اخواتي المطلقات
حبيباتي انا متاكده راح تفهموني زين لان وضعنا واحد ومشاعرنا واحده على اختلاف قصصنا واسباب طلاقنا والحمدلله على كل حال
انا وحده والله والله مااحسد اي احد حتى اللي اذاوني ولا اتمنى زوال نعمه اي احد والله يابنات اني افرح لكل ذي نعمه والله العظيم
وانا من النوع اللي اشارك الناس بفرحتهم يعني اذا وحده اعرفها تبي تتزوج والله اني اساعدها باللي اقدر عليه واهديها واشاركها فرحتها
واذا وحده ولدت والله اني ابارك لها وافرح لها وكمان ازورها اذا قدرت واقوم بحقها
الحمدلله انا احب افرح غيري ودائما اذكر الله اذا شفت اي نعمه عند اي احد والله
الحمدلله
بس مشكلتي يصير فيني حزن على نفسي انا يشهد الله اني افرح لهم وما احسدهم وادري ان الله هو اللي عطاهم وقادر يعطيني لكن بحكمته اخر رزقي
لكن غصب عني احس اني اقل من غيري واقعد افكر لي كم سنه وانا نفس الوضع ماتغير
واللي حولي كلهم تغيرت حياتهم الله يسعدهم ويهنيهم ويحفظ لهم نعمهم
انا ما احسدهم وافكر فيهم بس انا افكر بنفسي احس العمر يمشي والاوضاع تتغير وانا كما انا
سؤالي بنات
فيه احد مر بهالوضع منكم ؟
وكيف اتخلص من الحزن على نفسي ؟
بنات الله يسعدكم لا احد يجي يقول انتي حسوده ومن هالكلام لا والله
انا مشكلتي نفسي انا احس حالتي ماتغيرت من سنين وادري ان لله حكمه والله قادر يغير وضعي بس ابي اعرف فيه احد حس بهالشي وبس
اسئل الله العظيم ان يعطيني ويعطيهم افضل واخير وادوم ممانتمنى عاجلا غير اجل
واسئل الله الحي القيوم ان يحفظ لكل مسلم ومسلمه نعمه ويكفيهم شر خلقه
امين