الله يوفقك اختي واذا المشروع حسب امكانياتك انا انصحك اولا بالنظام لانه اهم شي
يعني يكون فيه دفتر عند الباب يكون روتين يومي توقيع الاهل اذا جابو عيالهم واخذوهم
بالنسبة لتقسيم الفئة العمرية
المواليد الى سنه او سنة ونص بغرفة لحالهم والاكبر يحتاجون لعب ونشاطات لحال
حلو توفرين لهم ادوات تعليمية وترفيهيه بنفس الوقت مثل مكعبات الاحرف والارقام
فيه مؤسسة بالسعودية نسيت اسمها بالضبط لكنها تبيع العاب تعليمية جدا حلوة ومفيدة انا اعرف فرع الرياض والمام فقط وماادري انت باي منطقه
فيه كتب وقصص ماادري اذا موجودة بالسعودية تكون القصة من صور فقط بحيث يتفرج عليها الطفل ويفهم القصة
خلي عندك واحد من الجدران ثبتي عليه لوح خشب عشان تعلقين عليه رسومات الاطفال كتشجيع لهم
بحضانتي بنتي معها جنسيات متعددة ومسوين لهم حركة حلوة طلبو من كل طفل يصور بزي دولته ومعلقين صورهم مرة حلوة الحركة
تقدرين تقيرين الفكرة بحيث تطلبين الزي الشعبي
ممكن تشتريلك كتب قصص الانبياء وتسردين كل يوم جزء من القصة باسلوب بسيط يفهمونه الصغار واختاري القصص المشوقه
من الناحية الــــصحية
بالنسبة للرضعات الاطفال عندنا يطلبون من الاهل يكتبون اسم الطفل على رضاعته وعلبة الحليب ويطلبون سلة صغيرة خاصة بالطفل فيها شامبو ولوشن وزيت ترطيب وبودر
موفرين جهاز لتعقيم الرضعات ,,,اللهاية ممنوعه عندهم انا بنتي كانت تمصها ومتعودة عليها سبحان الله افطموها بيومين
موفرين شنط لكل طفل يجيب معه كل يوم غياره من حفايظ تكرمين وملابس وفوطة ,,عندهم بلكون فيه منشر لنشر الفوط لما تكون مبللة
وقت الظهيرة معروف ينومون الاطفال كلهم بعد وجبة الغدا
هذا اللي اذكرة اتمنى اكون افدتك

فعلا كلام اختي صحيح عن التاخير بالنسبة لحضانه بنتي كاتبين بالعقد في حالة التاخير لو نص ساعة يحسبون له اوفر تايم ودفع مبلغ معين عن كل ساعة تاخير
تذكرت شغله انه برا عند الباب موفرين ارفف للجزم ممنوع اي طفل يدخل بجزمته تكرمين او حتى الشرابات
اذا كانو الاهل يبون الشرابات عليه يطلبون شرابات ثانيه بالشنطة ومايدخل بشرابات اللي لبسها مع الجزمة لانهم يخافون من التلوث ويعقمون يوميا

السلام عليكم.............يعطيكم العافيه بنات ما قصرتو...اخذت لي كم فره على النت اخذ افكار واجمع
بس ممكن سؤال...لو اشتغلت انا وزميلتي كم طفل استوعب راح استقبل من سن الولاده الى سن سنتين فقط والاسعار لم احددها بعد وهل وجبات الاطفال علي ام عليهم الاطفال الذين وصلو سن الاكل والمضغ ياليت تفيدوني بخبرتكم وشكرا

بالنسبة للاكل، الاهل يوفرون الحليب بس باقي الاكل هذا توفره الحضانة و اصلا ممنوع نجيب اكل يخافون يكون متسمم والا منتهي والا فيه بلى و يصير فالطفل شي و تتوهق الحضانة ( هذا النظام يمكن يكون مختلف من حضانة لحضانة) ..
بالنسبة للعدد : طبعا صعبة تخلطين الفئتين العمرية مع بعض، يعني المواليد الى 12 شهر لحال و 12 الى 24 شهر لحال ..
ممكن انتي تمسكين فئة و صديقتك فئة و كل وحدة تمسك 3 -4 اطفال بس احس اكثر بيكون جداااااا متعب ..
الاسعار الحضانات هنا بالاسبوع حوالي 125 دولار للي اقل من 12 شهر و 110 للي اكبر من 12 شهر .. يعني حدود 450 ريال بالاسبوع ..

:26:

الله يوفقك يارب
بس الشي هذا مسموح فيه بالسعوديه؟؟؟؟
وكأقتراح :ممكن انك تستعينين بسعوديات بدل العماله الاجنبيه
وبالتوفيــــــــق