مثل ما قالوا بعض الاخوات حاولي تتفاهمين معه واذا قالك عيوبك وغلطاتك وكان كلامه صح اعترفي بغلطتك مش عيب اوغلط قولي له يمكن ما كنت ملاحظه ان شالله بتغير وخبريه بالاشياء اللي مضايقتك منه وقولي له انت لازم تتغير واذاماعندك مشكله اذا دري ابوك خليه يخبره يمكن يقدريصلح بينكم الله يسخركم لبعض ويفرج همك

يا قلبي عليكي ,,,الله يصلح حالك ,,

اسمعي الغلط مو مية في المية عليكي والرسايل ما تحل الامور ,, اذا ماكانت وجه لوجه ماتجي سبحان الله وتدخل القلب

طيب أسمعي حبيبتي اولا الابتسامة مطلوبة للغريب فكيف لا كان زوجك

تدلعي له وتطيبي له وحسسيه انه الوحيد والاهم في حياتك حتى لما تكونون عند اهله لا تناديه يابو فلان والله ماعمري قلت لزوجي الا يا روحي ياقلبي يا عمري حتى قدام اهلي انا في البداية هو استنكرها وبعدين صار ينبسط منها وبعدين الكل تعود عليها

والكلمة الزينة والابتسامة تخليك على طول في قلبه وعيونه , لا صارت لك مشكلة خليه اول واحد تلجئي له بعدالله حتى لو تافهة وبينك وبين خواتك حتى يحس بأهميته وامدحي دايما اللي يسويه ولا تحسسيه بنقص ابد

على طول خليك مجهزة على قولة امي بوسة على الطاير , وانا دايم اسويها لا تتريقنا انا وهو ابوسه على راسه واقوله الله يخليك لنا ,لاجاب لي شي ابوسه بس مو على راسه واقول الله لا يحرمني منك يا قلبي

لا جلستي جنبه احرصي ما تجلسي الا وانتي كاشخة وريحتك زينة ولا تجلسين جنبه زي واحد من الشباب نزلي جسمك على جسمه وحطي راسك على كتفه ,, وبيني له ان الحياة من دونه ماتسوى ,,
وحتى لو كنتم جنب بعض بس امسكي دايما يده بيدينك الاثنين ولا تركزي فيها لا خلك كأنك مع الفيلم او المسلسل اللي تتابعونه
وامسحي يده بيدك وسويلها مساج خفيف , ارفعيها وبوسيها وقلوي عساني ما نحرم منك ..

لا كان بدوامه ارسلي له من الرسائل الزوجية الموجودة بالنت او سوي زي ما انا اسوي ارسله واقول له ويش انا مشتهية اسوي فيه لو كان قدامي ,,, هذا الشي يخليه على طول حاطك قدام عيونه ويفكر فيك وقلبه معك

ممكن تشوفين هالاشياء تافهة لكن والله ثم والله من اول ما بديت فيها قبل ثمان سنوات , وانتم عارفين رجال اول رجال القبايل اللي ماعندهم شي من الرومانسية ولا الحب ولا الحنان انه تغير 360 درجة عكس..

حتى ان أخت زوجي قبل شهر قالتلي كلمة , انتي كيف مخلية اخوي مغيم عليك مرة يعني مايطلع من عندك لا جاب احد سيرتك طار في وجهه ومدح فيك

والله لما يكون عند اهله واروح اسلم عليهم وهو جالس اول ما ادخل واسلم يقولي قدامهم تعالي هنا ويشيل التكاية من جنبه حتى اجلس وبعد ما اجلس على طول يسحب الصحون تبع الحلا والمعجنات من قدامهم ويحطها قدامي ..

مع العلم ان عمره 44 سنة وعمري 28 سنة

الله يخليه لي ولعيالي ويطول بعمره لنا

الله يجزاكم خير يابنات اقسم بالله ان اغلب الي قلتوه اني مسويته واكثر ترى انا احب الدلع والرمنسيه والحياه الحلوه لكن من خمس سنوات نقلنا وسكنا مع اهله شقتين فوق بعض ابوه متوفي من زمان وهو الي قايم فيهم وعنده عماره قايم عليها الحين له ولاخوانه ذابحته بالهم ومشاكل في شغله واشياء ماتيسرت له باختصار مشغول اربع وعشرين ساعه انا ع طول لحالي في البيت يا بنات ضحيت باشياء كثيره عشان ما اكون مصدر ضغط ثاني عليه بس اشياء كثيره فقدتها معه خصوصيتنا طلعتنا سفرنا حتى لمطعم مالي عهد فيه نروح الكل معنا عمتي واخته وشغالتهماخته اكبر مني بسنتين وفيها اعاقه وامه تعبانه وقطعت قلبي رحمتهم ما اقدر اروح او اسوي شي م****ركهم معنا لان احنا ملجاهم بعد الله عنده اثنين اخوان بس كل واحد بديره ولا جو جو ضيوف تخيلو اني اخر القائمه في كل شي عشان كذا فترت وتعبت ومليت غصب عني صرت مذبذبه ما عاد عرفت له الكل يقول ياحظ اخونا فيك لون وعون وهو تجيه احيان يقول انا تعبت منك اشوف نفسي ما قصرت وبزياده واشوفني في عيونه ولا شي ابي اضغط ع نفسي ارجع احبه واهتم فيه زي اول يحزني اني فترت

صلي ركعتين واسخيري ربك
وانصحك نصيحة لا تروحين معه عند اهلك انتبهي خلية يروح اذا يبي الحاله
عشان يتحسف انه اهو اللي بدأ مو انتي