حبيباتي انا الحمدلله رزقت ببنوته بعد 7 سنين بكتب لكم اش كان عندي بالضبط بس اهم شي الظن بالله انه راح يرزقكم انا ماكانت تجيني دورة اصلا في بداية بلوغي جتني شهر واختفت سنه ورجعت كم شهر وبعدها انقطعت نهائي ورحت للمستشفى يقولوا سليمه مافي شي المهم تزوجت وانا عمري 20 جلست شهرين وبدات اروح لدكتوره لاني حسيت وزني زاد شويه رحت قالت تكيس وعالجت وكانت الدورة ماتنزل الا بالحبوب
وجلست افر من دكتوره لدكتوره وبعدين رحت لاستشاري سوداني وقلي لازم عملية منظار عندك تكيس 100% ماله علاج غير العمليه وسويتها والدورة مانتظمت واخذت منشطات وحملت حمل خارج الرحم وسويت عمليه قيصريه عشان ينظفوا الرحم والانابيب وكمان كنت اروح لتمريخ واخذ علاج اعشاب اي شي اسويه المهم قلت بسوي تلقيح صناعي وسويت ومافي فايدة فشلت وهذا كله عندي امل ربي يرزقني لاني متوكله عليه المهم وحده اعرفها قالت لي قريبه لها 18 سنه ماجابت ودحين ولدت جابت ولد ماشاء الله قلت كيف تعالجت قالت في دكتور فلسطيني راحت له من ثاني شهر حملت المهم استخرت الله ورحت اول ماشاف اوراقي قالي كلمه وحده انا مااعترف بالهرمونات المشاكل كلها بسبب المبايض اذا المبايض كويسه بتحملي اذا تعبانه بتتعالج وتحملي باذن الله المهم قلت له طيب كيف قلي بعطيك منشطات حبوب وابر قلت طيب وتوكلت على الله اخذت اول شهر ماحملت رجعت الشهر الثاني اخذت حبوب عشان الدورة تنزل ونزلت ورحت كثف الابر ورحت اراجع وقلي ان شاء الله انك بتحملي المبايض استجابت قلت الحمدلله وقلي شوفي لو نزلت الدورة ارجعي واذا مانزلت حللي وماجات الدورة وقلت اكيد تاخير وربي اراد احلل في البيت وطلعت حامل اخواتي لاتيئسوا من ربي ربنا كريم الدكتور هذا بجده حي البغداديه الغربيه اسمه طافش صلاح عمارة الجوهرة جنب وزارة الداخليه دعواتكم واي سؤال تحت امركم
:04::27:
__________________
جودي حياتي @gody_hyaty
محررة
يلزم عليك تسجيل الدخول أولًا لكتابة تعليق.
حنايا*
•
مبرووووووووووووووووك الف مبروووك والله يرزق كل محرومة
الصفحة الأخيرة