اخواتي الي جربو التمريخ ... ظروري ابيكم تعلموني الطريقه

اختي الغالية
والله ماني متأكدة لكن قريت مرة احدى الأخوات كاتبة الله يجزاها خير
( ما اذكر اسمها )
كانت تقول تنامين على ظهرك
و الأفضل يكون الصبح اول ما تقومين و قبل ما تاكلين
و بعدين باصبعك الأبهام تضغطين على بطنك و تدفين بقوة
الين توصلين السرة من جميع الجهات
يعني من الأعلى نهاية الحجاب الحاجز و حتى تصلي الى السرة و من اليمين حتى السرة و من اليسار حتى السرة و من الأسفل حتى السرة
تقربياً لمدة ربع ساعة و هكذا حتى لو في الأيام العادية
لكن اثناء الدورة افضل لأن الرحم يكون رطب و طري سهل التحريك

اختي الغالية الله يشفيني وياك و يعافينا و يرزقنا ما نتمنى من خير الدنيا و الأخرة
و اي استفسار انا حاضرة
اختك القمر_1

هذا نص الموضوع للأخت ميلاف نجد
وان شاء الله يفيدك وانا جربته ونفعني بعد مشيئه الله00


طريقة المرخ للي تأخر حملها
بسم الله الرحمن الرحيم
شوفوا حبايبي أول شي في الصباح على الريق يعني قبل الأكل نامي على ظهرك وجيبي شوي زيت زيتون وادهني بطنك وحطي أصابع يدك وسط السره إذا حسيتي بشي ينقر في الوسط معناه الرحم كويس وإذا الصوت بسيط معناه الرحم ماهو في مكانه أمي الله يخليها هي اللي علمتني الطريقه وأنا دايم ألقى الرحم تحت الضلع الأيسر بالضبط والله ماعمري حملت إلا لما أمرخ نفسي وألقى معاناة الله اللي يعلم فيها المهم إذا كان لك وقت طويل ماحملتي خذي نصف راس الطحانه حبه سودا ناعم وصبي عليه زيت زيتون وخليه على النار حتى يقلب ويسخن مرة واحده خليه مثل الشوربه لا ثقيل ولا خفيف وغطيه وعلى الريق خوذي ملعقه كبيره واشربي وراها شوي ماء الطعم أقشر بس تحملي لمدة ثلا ث أيام ولا تمرخين هذا الشهر حتى يلين الرحم الشهر اللي بعده سوي الخلطه مع المرخ والطريقه هي إنك تشوفين الرحم وينه وتبداين تدفينه بكل قوتك لوسط السر وبتلا حظينه يمشي معك واللي رحمها من زمان مائل بتلاحظ أشياء قاسيه في الرحم معناه لاصق منزمان تستمرين بالدف كل صبح لمدة ربع ساعه او لن تتعبين وتوقفين طول أيام الدوره وتكررين باقي الدورات ألين الرحم يتجمع بوسط السر ويقتوي النبض في الوسط..وبإذن الله تحملين. دعواتكن

انا رحت لمراخه بس بعد الاربعين..وكانت تحاول ترجع رحمي مكانه لانه مايل..فكانت زي الي تسحب شيء..يعني بيدينها ..تدهن من جهت اليمين ..وأخر شيء حطت صبعها في سري. وتحركه..يمين ويسار...وكأنها تثبت الرحم في الوسط..وكل ما حطت صبعها يعورني..وعلى فكره كانت تدهن بزيت زيتون..والحمد لله بعد الله شفت الراحه على يدها..
ومشكوره عالدعوه...بس درزن !!!!!كأنهم واجد!!!!!ادعيلي الله يصلحهم ..ويرزقني برهم..

أختي القمر-1 ,, طريقة شرحك ماشاء الله فهمت عدل جزاك الله خيرا وعسى الله يرزقك ابناء
وبنات وان كمن ام فيبارك لك الله فيهم ويصلحهم ويجعلهم من حفظة القآن

اختي هوازن نجد ,,, لم اتوقع ان الرحم يتحرك بهذه السهوله وسوف أبدأ بهده الطريقه غدا
وجزاك الله خيرا وعسى الله يرزقك بالذريه 6 اولاد و6 بنات ويبارك لك فيهم يارب

اختي دفئ الشمس ,, اشكرك على شرحك وسوف اجرب زيت الزيتون بالتمريخ وعسى
الله يبارك لك في ابنائك ويزيدهم ويزقك برهم ويجعلهم كما تتمنين

وش التمريخ.. اول مرة اسمع به والاحظ كثر السوال عنه اهو لازم لاني قد ولدت واختي وما عمر احد دهننا ..اهو ضروري ومريح ولا يعور...واقل ناس تسال عنه بنات الرياض؟؟وش السر .فيه