اخواتي! ايش الحل مع زوج زي كدا ؟ 💔

السلام عليكم ورحمة الله وبركاته
ان شاءلله انكم بخير .. 🌹
عندي مشكلة وان شاءالله تعطوني حلول تريحني
المهم خلافاتي مع زوجي كثيرة وما تخلص والله انه ما يمر يوم الا وتحصل مشكلة سوا تافهة او كبيرة مع زوجي وهذا وضعنا من اول ما اتزوجت ونا يوميا وهذا وضعي وصار روتين من حياتي للاسف 💔
زوجي ما يتكلم معايا ولما يتكلم يجادل على اي شي ، وطول مو جالس عندي يتأفف ومافي شي اسويه يعجبه يعاملني بقسوة كأني عدوه له! مو زوجة كل يوم ابكي على نفسي واقول ي ريت ما وافقت عليه ماكان هذا وضعي بس نصيب ، يزعلني ويجرحني بالكلام ويدعي عليا يقول كلامك كثير وماتعرفي شي واهانات على الطالعة والنازلة ويرزع الباب في وجهي وانقلعي والله يخرسك وعمري ضايع معاكي ،
اكون جالسة في حالي اتفرج تلفزيون اسمع البيت قرف مطبخ وصخ وانا اكون قدامه اقسم بالله منظفة وفي كم صحن تعرفو الصحون كيف تتراكم بسرعة اقول ارتاح واكمل شغل ان شاءالله مايخليني يجلس يسب ويتحلطم يبغاني اسمع اروح اكلمه ي فلان حكمل شغلي خليني في حالي حرام عليك انا اعرف متى اشتغل في بيتي يقولي انا كلمتك؟ انقلعي من قدامي وسب وتجريح
يزعل من اي شي تافه اروح اكلمه ليش زعلان مافي شي يحوج تكون كدا وتنكد الايام بيننا احاول اهديه يقولي انا هادي و وجهه مقلوب وبينفجر عليا بدون سبب بس كدا يزعل من ولا شي
اتركه يوم يومين تلاته اربعه ما اكلمه واروح اعتذر واقوله معليش حتى لو ما غلطت عشان امشي الحياة ،والله نفس الشي مافي غير انه يزيد بالقسوة الشدة معايا
احاول اكسبه واكسب اهله بالمعاملة الطيبة وحتى هو انا مو مقصرة معاه لا بحقه الشرعي ولا في بيته ولا في نفسي ولا مع ولده لكن هو مادري ليش يسوي فيني كدا
اقوله انت تبغاني اترك البيت عشان ترتاح يقول عادي مافرقت معايا بلعكس راحة وانا والله في حالي وقايمة فيه جدآ جدآ جدآ صعب جربت كل الحلول معاه بدون فايدة
حتى اذ خاصم وسكت مارديت ما يهدا ويستمر في اسلوبه مايطيق مني اتكلم معاه احسه كارهني ومتورط فيني وهذا سبب اسلوبه معايا طيب ليش اتزوجني وخلف مني طفل طالما كارهني و مو متحملني انا عمري ٢٦ و هوا ٣٨ سنة
قلت اتزوج واحد اكبر مني اكيد بيكون فاهم الحياة
يحب ينرفزني يحب يرفع ظغطي غصبا عني ابكي قدامه من الهم والمعاملة الغريبة اللي يعاملني فيها صار كل ما يشوفني ابكي ينبسط ونا غصبا عني ابكي ايش اسوي 💔
بفكر ابعد عنه لا اكل معاه ولا اشرب معاه واترك غرفتي فترة طويلة ولا اكلمه ادري ما بينعدل لانه عارف ايش بيسوي لكن ابعد عنه وارتاح انا و ولدي ايش رايكم ؟ هوا مو فارق معاه وجودي اصلا
عمره ما جاني وراضاني او اعتذر او حتى خفف عني ، دايمآ انا اللي ابلع موس واروح اكمله عشان امشي الحياة و ياريت بتمشي 💔
والله حاولت معاه بشتى الطرق بس مافي حل بلعكس ماكأني بسوي اي شي معاه!
هل الطلاق في حالتي حل مع زوج بهذا الشكل علما اني عندي طفل صغير
والله محتاجة حلول منكم لاني في هم ما يعلم بيه الا الله 💔