اخواتي بنات حواء قلبتوا علي المواجع ...

ااااه يابنات ردودكم بموضوعي الاول قلبت علي المواجع
ودي افضفض لكم لاني بنفجر ..

زوجي صار يجرحني ويتلفظ علي و يدعي علي وانا ماغير ابككي ..
وهالمره عشان قلت له كذاب وانا ماكان ودي اقولها بهالطريقه بس كنت معصبه وانفجرت لانه قال كلام ماصار.. قلب ووحش وطلع مايرضى ع نفسه وطلعت بالنسبه له وقحه واهلي ماربوني
طيب ..واللي مايحترم ويقدر زوجته ويدعي ويتلفظ عليها و يحتقرها هو المتربي ؟؟

انا يابنات حيل تعبانه متزوجه من 5 سنين حياتنا انقلبت من سنه زوجي
ماعاد يحترمني انواع التجريح وكلام يغث ويسم البدن والله سسسسنه واحنا في مشاكل ومضغوووطه نرضى يومين ونتزاعل بالاسااابيع
اذا بحسب عدد الا يام اللي كنا متراضين فيها ماتوصل شهرين تخيلوا سنه واحنا في هواش انا مارضى لنفسي الاهانه وهذا سبب طول الزعل بيننا توصل بالشهر
والله ماتهون علي نفسي بس ماعاد يفكرررر لو ازعل من اليوم لبكرا تغيرررر حيللللل سبحان من غيره
لكن المشكله اني انا اكل الهوشه
انطق بالبيت ما اطلع الا لاهلي اخر الاسبوع
و ماعندي اطفال التهي فيهم
ولا وظيفه ولا صديقات
وتنازلت عن اشياء كثيره
بس بعد هالسنه خلاني اندم ع كل شي سويته عشانه
احيانا يجيني احساس ان ربي مارزقني منه بعيال
لاننا بننفصل
و من امس افكر هل الانفصال حل بيريحني لكن اعرف نفسي مابقدر اتحمل عواقب الطلاق ولا بقدر انساه عشت معاه 4 سنين من احلى سنين عمري عيشني فيها ملكة
بس والله تعبت حيل هالسنه هدت حيلي من كثرة المشاكل والنكد ونفسيتي زفت و نزل وزني
وكل شوي بالمستوصف بسبب هبوط بالضغط
حتى اهلي لاحظوا هالشي
حياتي انقلبت فوووق تحت ماعاد بيننا نقطة التقاء
اي حوار بيننا يقلب هواش ..
قبل هالسنه كنا عايشين مبسوطين نموووت في بعض ولو زعلنا مانكمل يوم ونرجع نرضى بس هو تغير اسلوبه وهالشي سبب بيننا مشاكل

و قبل 3 سنوات حلمت حلم وفسرته عند شيخ قال هذي حياتك الزوجيه راح تتغير بسبب مشاكل تحصني انتي وزوجك من ناس يدخلون بيتكم ..
بتضحكون علي بس والله ابي ادور تفسير لتغيره المفاجئ لاني ماعاد اقدر اتحمل مشاكل واهانات وجربت كل الطرق مافاد اذا صرنا متراضين يازينه واذا صار في نقاش انقلب وحش
وهو ماكان كذا الا من سنه
لكن ماقول الا الله يعين والحمد لله ع كل شي
واذا في حل او رأي اطرحوه

واخت منجووو والله اني افرح اذا شفت ردودك بمواضيعي واتمنى اشوفلك رد

وانتم بعد اخواتي الحوااائيات فيكم الخير والبركه لا تبخلون علي بأرائكم وحلولكم