اخواتي تعالوا شوروا علي في سالفتي مع زوجي وأمه

بنات حبايبي ودي استشيركم في موضوع واتمنى ماترد علي الا اللي تحس برأيها الحكمة ماابي ردود تزيد الشر وتشعل النار .. ابي وحدة تسعفني بالتصرف السليم ..


قبل كل شي أحب أنوه لأني وحده تخاف الله وكل همها رضا زوجها وتعينه على بر والدته ..

من يوم ماتزوجت وزوجي مفهمني ان أمه فوق أي اعتبار وهي ربته يتيم وصارت له الأم والأب وكل شي في حياته .. والحمد لله انا اساعده على برها قد مااقدر والحمد لله كلنا راضيين بحياتنا ومبسوطين .. وخالتي انسانه طيبة مررررررررررره اتعب وانا اقول انها طيبة وحنونة اعتبرتها مثل امي وانا نفس الشي طبعي حنونة طيبة وحنينه وكلما شفت منها تصرف يزعلني اتذكر كلام زوجي عنها واكتم في نفسي ودايم اقول لو هي امي ماجاء بخاطري منها شي وصرت انسى الحممد لله ..

بس جتنا ظروف انا وزوجي وصرنا نضطر نجي بعض أيام الشهر ونسكن عندها وبصراحة ماكان ودي ابدا لأني ابي اجلس عند اهلي وحامل وتعبانه ونفسيتي مش ولابد وراح اضطر اشتغل في بيتها وصعبة اجلس مااشتغل مثل بيتي نمشي حياتنا ..

كل هذا وتحملته وسكت ورضيت عشان زوجي ..
بس بعد ماتعودت علي خالتي صارت مواقف كثيرة تجرحني منها وانا اصبر واكتم طبعي كتومة مرررررررررة مستحيل اشكي من شي يضايقني من يوم كنت ببيت اهلي .. وزيادة اتحمل عشان يحس زوجي اني مبسوطة ببيت امه واني اساعده في برها بس خلاص معاد اقدر اتحمل وزيادة عندي اكتئاب حمل كل الوقت متكدرة ومتضايقة مااتحمل نسمة هواء في وجهي شلون احد يرمي الكلام علي والا يهاوشني ..

كله مثل العسل على قلبي لحد ماجاء يوم وخالتي عزمت سلفاتي عندها وانا موجودة .. وزوجي عنده عزيمة كنت صاحية من الصبح اكررف واشتغل وتعبانة من ثقل الحمل ومن الانفلونزا وقلت لزوجي اذا جيت تاخذ اغراضك ودني بيت اهلي ابي ارتاح لو جلست عند امك ماراح ارتاح .. وامك عندها سلفاتي ماراح تجلس وحيدة .. خالتي واضح انها تضايقت ليه اروح ..
وكل جلستنا تقولي ليه تروحين وانتي دايم كأنك ملحوقة على اهلك ومدري ايش وانا ساكته ومنحرجة من سلفاتي .. لحد ما جت سالفة اظطريت اسأل خالتي عنها وبسسم الله توي سألتها والسؤال كان عادي جدددددا وطبع خالتي وبناتها ماشاء الله يحبون يسألون عن اللي ينسأل عنه واللي ماينسأل ودايم يحرجوني بأسئلتهم يعني ماشفت حرج من اني اسأل سؤال عادي مثل هذا .. بسم الله طبت فيني عند سلفاتي وانتي وشوله تسألين وش تستفيدين اذا عرفتي يعني لااازم تحرجينا .. وترمي علي الاجابة .. وجاوبت على سؤالي وهي متنرفزة وقالت خلاص ارتحتي .. انا خلاص ضاااع وجهي وقتها واشوف بعيون سلفاتي واخوات زوجي كلهم يبتسمون ابتسامة الشفقة علي يحسون ان الموقف مايستاهل والله انحرررررجت مرررة ورحمت نفسي وخنقتني العبرة والله مسكت نفسي ومسكت دمعتي وقلت ماراح ارد عليها بشي احتراما لها ولزوجي .. والحمد لله وقتها اسعفني زوجي واتصل قال يلا اطلعي .. وكنت شوي واشكي على زوجي ولما رحت لبيت اهلي جلست ابكي لحد مانمت من القهر من اللي .. وكلما كلمت زوجي يقولي وش فيك شوي اتكلم واقوله ع اللي صار بس مسكت نفسي يومها عشان مايتضايق وقت عزيمته والحين ماعاد اقدر اتكلم كلما اتذكر كلامه عن امه .. امسك نفسي عن الكلام واحتسب الاجر عند ربي بس والله للحين بخاطري الموقف اللي صار مو من عادتي ماانسى ..

والحين زوجي يبيني اروح عندها مرة ثانية وماابي اروح لها وهو يسألني وش فيك ماتبين وانا ساكته ..
اخاف اتكلم واضايقة وهو مايشوف غير امه بعيونه .. وبنفس الوقت هو دايم يطلب مني اتكلم وافضفض له لو احد ضايقني حتى لو كانوا اهله ..

وش رايكم يابنات اتكلم واقول لزوجي اللي صار ولا اروح معه عند امه .. والا اكتم كالعادة واروح معه عندها واحاول انسى اللي صار مع انه بيبين عند زوجي اني في خاطري شي وماراح اكون في بيتها مبسوطة مثل دايم ،.

شوروا علي يا اهل الحكمة بالرأي السديد ،،
ولاتنسون ان بين عيوني مخافة الله .. ومعونة زوجي على البر