اخواتي ساعدني بخبرتكن والي تعاني من حماتها تتفضل

الأسرة والمجتمع

انا اختكن بالله قصتي مع عمتي ام زوجي احنا نحكي لام الزوج عمه وابوه عمي تجوزت قبل عشر سنين وساكنه بجنب بيت عمي الحيط على الحيط واعتبرت نفسي بنت الهم من طيبت قلبي عمتي صغيره بالعمر جوزي بكرها بس سمينه وتشتكي من رجليها وعندها سكري و ضغط وعندها بنات اصغرمني بشي بسيط وكنت كيف الخادمه الهم وانا عروس غسلت لعمتي ثمن سجادات وطبخ واجلي واذا اجيت وشفت البيت مش نظيف اقوم اضبضب واشطف واعزل الهم لانه انا ما تعودت اجلس بمكان مش نظيف وهم شكلهم متعودين والبنات كانت يساعدني وعمتي تمدح بيا وعمي وكانو حلوين معي حتى البنات واكل واشرب معهم يعني كاني بيت اهلي مع الفرق عن مستو العيشه عند اهلي وجوزي ماكان يستلم راتب هو امن عام بس كان مشكلجي ومطلق وعنده بنت وراتب كله قضايا طلاق نفقه وضريبةطلاق تعسفي ونفقة صغيره ونفقة والد وقرض يعني بالمختصر عشت اول سنتين من اهلي لبس وقضي حاجاتي من عند اهلي واهل كانه يساعده والحمدلله مشيت اموري بعدين تجوزن البنات بس كانهن ماتجوزن على طول عند دار عمي وتناديني عمتي واقوم اعمللهن غداء وجلي وشطف اروح بس بدي انام ولازم اجباري كل يوم عندهم اغلب وقتي اذا ما رحت يطلو ينادوني واذا نزلت على امي اشتغللها واعزللها تزعل عمتي والحين معي ولد وثلاث بنات وعيلتي كبرت يدوب ملحق عليهم ومع ذلك قدر المستطاع اروح واشتغل بس اكتشفت بعدين انه كله على الفاضي عمتي صارت تحكي علي وهي بناتها ومش عاجبها تصرفاتي واذا حكيت بالحق تزعل وتقلي انت مش كويسه وبعدين بنت حماي جابت شغاله بنغاليه كانت تشتغل بالخليج وتعرف تحكي عربي وهي مدرسه وعندها عيله وبيتها بيعيد شوي عن البلد تجي الصبح تخلي الشغاله وولادها عند عمتي يروحو على المدرسه صارت الشغاله تحكيلي عن عمتي انها تحكي علي وهي صادقه لانها ما تترك فرض حتى تنصح عمتي لانها تنم كثير وهلا جوزي مسافر حفظ سلام على هايتي واستلم نص الراتب واعطيها منه واجيبلها بس على الفاضي كل يوم هي وبناتها يصيرن مش كويسات مع اني والله اقابل بكل طيب وحب وومازلت اشتغل بس مش متل اول تعزيل واقلب البيت قلب لانه عندها بنات وبجن وينامن انا امي نسوان اخواني ما بخدمنها انا انزل واعزل وانظف لامي وروح ليش هيك تعاملني مش عارف والله انها حيرتني حتى تبهدلني وعمي ببهدلني وولادي مبهدلين ومع ذلك ارجع اضحك معهم ولا كانه في شي حتى جوزي كان بالبدايه كتير ظالمني وتحملت عصبيته ولسانه وطفره وكل شي والحمد لله صار بالفتره الاخيره كويس وكانو ياثرو عليه ومعاملته معي مش عارف انا طيبة قلب والا هبلا ومالي شخصيه والا ايش حتى بعد ما سافر جوزي قامو يحاسبوني على كل شي حتى اروحها على امي مع انا بنفس المنطقه قرايب شو اسوي والله والله إني صادقه بكل كلمه حكيتها مالي غير الصبر الي خلاني احكي وافضفض عمي نادى علي اعمل قهوه واشرب انا واياه ورحت عمتي ماعجبها بتحكي الشغاله روحي شوفي سو تعمل بالمطبخ حتى الاكل صارت تبخل فيه علي وانا لما اطبخ حتى لو قليل اوديلها لانها بتطبخ لابنتها المعلمه تروح تلقى غداها جاهز وتتغداء هي وولادها وتروح حتى من قبل لاتجيب الشغاله دار عمي وعمتي ربت اولاد بنتها والعز الهم وادلع وانا وولادي النا الله معقول في ناس زي هيك يعني اذا صرت خدامها الها والبناتها انا كويسه واذا ضبيت حالي بيتي بصير مش كويسه الصبر يالله أسألك الصبر
25
4K

يلزم عليك تسجيل الدخول أولًا لكتابة تعليق.

تسجيل دخول

النوري القمر
النوري القمر
الله يعينك
ندى الأبراهيم
ندى الأبراهيم
والله يا اختي صادقه ربي يكون في العون ويساعدك ويهدي بالك يارب ربك كريم
اذا ربك احب عبد فابتلاه انتي باينة مسكينة وطيوبة وصاحبة دين اتوكلي على رب العالمين واتعاملي في أصلك وبس وربي يحميلك اطفالك ويرجعلك جوزك بالسلامة اسفه على الاطالة
أم الحلوين أنا
أم الحلوين أنا
ايوه حبيبتي فيه ناس اخس من كذا
انا مثلك بس رافعه نفسي شوي لان صحتي ما تتحمل باختصار انتي مو مجبورة تخدمينهم
لميس المزيونه
لميس المزيونه
الله يصبرك
رسولي عزوتي
رسولي عزوتي
شكرا على الردود بعرف إني طيبه زياده بزمن ماتنفع فيه الطيبه لانه عمتي ماترضى لبناتها الي راضيه فيه علي بس دائما الحمدلله فيه رب وفيه احساب ودنيا ماتغني عن الاخره ونيال الي يعمل شي لوجه الله تعالى والله مش ندمانه حتى اخواني بيحكولي انتي طمعتيهم امي تحكيلي لا تردي على اخوانك اشغل ما يقتل المروه تضل عمتك ويضل عمك ولا تردي جواب عليهم بكره تلقي قدامك ولما اسمع كلام عمتي مع بناتها عن حمواتهن اتفاجى العكس تحكيلهن انتن مش مجبورات فيهن الهن بنات ،الله المستعان ربي يعوضني خير انا وولادي وزوجي ويرزقني اخو لابني والله يفرجها على كل وحده قرت ودعتلي امين يارب العالمين