السلام عليكم ورحمة الله وبركاته
اخواتي انا من البارحة بالي مو مرتاح وكله تفكير ووجع راس اللي حصل اني رحت السوق امس وكنت ماخذة من زوجي 500 ريال وكان معاي 50 و50 وفكة عشرات وخمسات المهم دخلت ابغى اشتري وقايات لما جيت ادفع للعامل ( على علمي ) اني اعطيته 500 وقال ما في فكة قلت الا في رجعت طلعت ال50 وكملت من فكة العشرات لين 75 المبلغ اللي يبيه وطلعت محل ثاني وجيت واشتريت لي حاجة حق غرفتي ودفعت 50 وعجبني حق قارورة الكولر حاجة تلبسيها فيها وجيت اباخذها وامد ايدي عالخمسمية ما الاقيها وطيراااان على محل الوقايات وسالته وقال ما شافها واني من الاصل ما اعطيته 500 انا هنا بغيت انجن انا متاكدة قلي ما في فكة وقلت الا في وما عرفت وش حصل بعدين وانقهرت وحسيت اني ببكي من القهر ورجعت البيت مع السواق انا وعيالي بدون ما اتهنى بالطلعة وقلت حق زوجي والله يهديه الثاني اصر انه يروح للبياع مع اني قلت له يمكن مو هوي يمكن زبون لطشها يمكن انا ضيعتها لكن عنيييييييد وما طلع منه بفايدة
اليوم الصبح صحيت لقيت زوجي تارك 500 ثانية اخذتها وبغيت احطها بمكان عالي عن ايدين العيال وافتح المكان والاقي الخمسمية :mad: هنا صابني تبلد بتفكيري وحسيت عقلي بيطير من الجذور انصدمت مدري وش حصل لي جلست كذا مثل اللي حد ضاربني كف على وجهي ما اتذكر اني حطيتها البارح بهالمكان كل اللي اتذكره اني حطيتها بشنطتي واني عرضتها عالبياع وقال ما في فكة !!!!!!!!
الحين انا جالسة احلل الموضوع وشوية واحسن ان جني اعوذ بالله لاعب فيني مرة اقول لا هاي الخمسمية من زمان انا حطيتها بهالمكان ونسيتها ومرة اقول يمكن الله عمى على بصري وتهيألي اني اخذت معاي السوق خمسمية وبالواقع ما كان الا الخمسينات :44:
قسما بالله من البارحة مو مرتاحة ابد واللي اتعبني الحين وزاد الطين بلة خايفة اني ظلمت الرجال يابنات والله ضميري مرة تاعبني خايفة ربي يعاقبني ولا حاجة مع ان الله شاهد على اني عمري ما افكر اظلم نملة
شوروا علي وش الحل ياجماعة بس لا تقولوا روحي اعتذري من الرجال صعبة مرررة
يلزم عليك تسجيل الدخول أولًا لكتابة تعليق.
اموت على جوزي
•
خلص يا بنت الحلال وكليها على الله
رجعيها احسن من انه يبقى بذمتك شي والخمس ميه بدالها عشر
بس اهم ضميرك وخاصة انتي مو متأكده
ولوكان يكذب حسابه على ربه !!
بس اهم ضميرك وخاصة انتي مو متأكده
ولوكان يكذب حسابه على ربه !!
الله اعلم بنيتك ومادان نيتك صافية وما كنت بتتبلي على حد خلاص سيبي الموضوع
يمكن تكوني ناسية انك مخداها يمكن التبس عليكي الموضوع يمكن كنتي سرحانة انتي بشر بس حاولي تنتبهي وتركزي المرة التانية وتتاكدي شو الفلوس الي معكي قبل ما تطلعي هيك احسن
وممكن مادام الصغار كانوا معكي بالسوق يمكن يتذكروا ايش الموقف الي صار
يمكن تكوني ناسية انك مخداها يمكن التبس عليكي الموضوع يمكن كنتي سرحانة انتي بشر بس حاولي تنتبهي وتركزي المرة التانية وتتاكدي شو الفلوس الي معكي قبل ما تطلعي هيك احسن
وممكن مادام الصغار كانوا معكي بالسوق يمكن يتذكروا ايش الموقف الي صار
فله~
•
صدقيني انتي كنتي ناسيه...
يمكن كنتي تشوفين الخمسين خمسميه..
وما انتبهتي انج ما اختيها...
صدقيني تصير حالات مثل هذي واااااااااااااااايد والسبب الرئيسي النسيان..
خلاص ريحي بالج من التفكير والموضوع كله نسيان وعدم تركيز..
يمكن كنتي تشوفين الخمسين خمسميه..
وما انتبهتي انج ما اختيها...
صدقيني تصير حالات مثل هذي واااااااااااااااايد والسبب الرئيسي النسيان..
خلاص ريحي بالج من التفكير والموضوع كله نسيان وعدم تركيز..
الصفحة الأخيرة