السلام عليكم ورحمة الله وبركاته
صباح الخير وكل عام وانتم بخير جميعا
حبيباتي بنتي عمرها 7 سنوات شعرها اشقر وناعم فيه جعده خفيفه مثل شعور الاوربيات
وكنت احنيه لها وتعرفوا الشعر الفاتح تبين فيه الحنا اكثر فكان بسم الله عليها
يطلع عودي وكلن يسألني عن شعرها طبعتها والا اشلوون !
ودااائما الناس تعجب فيها وتسألني عن شعرها
الآن ندمت ومت ندم ليتني ماعتنيت ولا اهتميت ولا زينتها ولا طلعتها من البيت :(
والله الوحده صارت تخاف يطلعوا اولادها حلوين مايسلمون من العين من ناس ما يذكرون الله :angry2:
مع اني مو من الناس الي كل مرض او طارئ يقولوا عين لكن هالمره خااااايفه على بنتي
الزبده انه طالع لها قشره غريبه
تخيلوا نفس فروة الراس في اجزاء كثيره يعني نصف الفروه بس متفرقه في في كل جهه
تصير ناااااشفه ويـاااااابسه وتتقشر معاي بصعوبه يعني لااااصقه بقوه بس لازم تنشال
احط عليها زيت عشان تترطب واقشرها لانها تألمها وتصيح وتبكي منها احيانا
واذا قشرتها يطلع معاه دم وتطيح الشعرات الي نفس بالمكان تنزل مع القشره
يابنات تكفون ماخليت زيت ماستخدمته
اللوز , الزيتون , دابر املا
وشامبوا نيزورال الطبي المعروف للقشره
وبالعيد حنيتها لأن الحنا علاج بإذن الله راحت اختفت كم يوم وفرحت
البارح اتحسس راسها لقيتها رجعت والله شوي اصيييييييييح
عجزت فيها المشكله ابوها مستحيل ياخذها لشيخ يرقيها
قبل البارح كان عندي عشاء واخذت مويه فناجيل الحريم الي كثير اختلط فيهم
اول مره اسويها بحياتي
جلست اتنافض افكر بيطلع لي جني من المويه << :(
والي اعرفه انه ارش عليها المويه على غفله
رشيتها وسميت عليها وقرأت عليها << صح كذااا ؟
وللآن في حيره لما تقفلت علي كل الابواب والطرق لجأت لكم بعد الله
دلوووووووووووووووووووني على حل طالبتكم وادعوا لبنتي بالشفاء وان ربي يحفظها من العين والحسد ويحميها
يلزم عليك تسجيل الدخول أولًا لكتابة تعليق.
توله عطر
•
اسال الله العليالعظيم ان يشفيها ويحفظها لك بس جربي تدهني راسها بزيت زيتون مقري عليه
أم كعتو
•
حبيبتي حتى انا نفس مشكلتك ، عندي بنت ما شاااء الله عليها شعرها مميز عن كل خواتها ، و مرينا في فترة عزى بالبيت و الكل يمدح في شعرها و نعومته و فعلا شعرها طلعت له نفس القشره و صار يتشاااابك بشكل غريب و خاف من الأسفل !!!بس هذي القشره حتى اختها الأكل عانت منها و الأفضل تروحي لطبيب جلدي يعطيك دوا لأن انا بناتي عندهم اكزيما
الصفحة الأخيرة