اخواتي صديقتي مرت الاخ ومرت الاب ادخلوا وشاركوا بأرءااكم لمساعدتها

والله ماتوقعتها منكم يااخوااااتي في حواء 62وحده تقرا ولا وحده ترد :icon33: على كل حال شكرا للي قروا الموضوع بس فعلا انصدمت فيييييييكم :( :

اسطورة الأمل فهمت مشكلتك

لكن شوي كانت الاحداث متشابكة والأطراف كثيرين

فـ بصعوبة فهمت مطلبك


الي أنت تقصدينه أن صديقتك مرة أبوها تتعامل مع عيال زوجها بشكل طيب

لكن مرة أخوها واخوانها على العكس فتتعامل زوجة الأخ مع مرة ابو زوجها

ومع اخوات صديقتك من الأب بشكل سلبي


الحل برأيي مع هالنوعية من الناس انك
تاخذ الزين والشر تجنبيه

بعض الأخطاء لا يمكن التغاضي عنها مثل التكلم عن الغير من وراهم , هذا خوض في أعرضا الناس
فان رأتهم يتكلمون على غيرهم بالسوء تبين لهم غلطهم بالحسنى

وبعض الأمور تتفاداها قبل ما تصير , مثل طلب خدمة منهم
يعني اذا كانوا ينزعجون من طلبها منهم ايصالها تتجنب ذلك
ولا تطلب منهم شئ

وتحاول تجعل لها فضل عليهم , هذا إذا كانوا من النوعية الي يملكهم الإحسان
فبعض الناس لما تخدمينهم وتقدمين لهم معروف يتسابقون لخدمتك

وهي تعرفهم اكثر منا خل تستخدم حنكتها و ذكائها في التعامل معهم

والناس تغطي مساوئهم حسناتهم وإن كرهتي منهم أمرا فارضي منهم آخر

وبالتوفيق

اختي الحبيبه
انصحي صديقتك وقولي لها انها ما تصير حساسه مره
الحمدلله اذا صاروا طيبين الا في نقطه خلاص ما فيه احد كامل الا وجهه سبحانه
بعدين ما اعتبرها مشكله ابد ابد
قوليلها في اخوان يطقونها عينك عينك ما راح اجي اخذك و ما زوجناك علشان احنا اللي نو\دي ونجيب
وانا ما اقول هذا صح لا بس الحمد لله التمس العذر لاخوي ولمرته ويمكن مزاج مرة اخوها معكر شوي ولا لها نفس تكلم بعد فهذا عادي وبعد كلمتها باحترام ما قالت دبري عمرك ما علينا منك
ياما اقول لاخواني ويعتذرون ويقولون مشغولين ثم الاقي يمشي عياله الصغار وعادي الله يحفظهم ويهنيهم
ليه ما ينشغلون ازواجنا ويانا عادي
و الله اتذكر ان اختي صار لها نفس ظروف صديقتك وكان عندنا عزيمه كبيره حضرها القاصي والداني واختي ما حضرت لان اخواني كانوا مشغولييين و السواق بعد مشغول وكان ابوي يحتاجه خاصه انه مشوار بيتها بعيد و قعدت في بيتها و فاتتها العزيمه وجتنا المغرب بعد ما خلصت العزيمه و صارت تاكل من الباقي :) وفاله حجاجها لا زعلت من اخواني ولا حريمهم ولا من اهلي الله يحفظها الا هي اللي تلتمس لهم العذر وتدعيلهم وكل ما حكينا عليها بالعزيمه بنقهرها:) تقول خيره مع ان قلبها طاير ودها تحضر وكانت تقول زوجي مكسل ورايح حق استراحة اهله وقالي يجونك اهلك وياخذونك وما حصل لها و هي عاتبت زوجها لانه هو المفروض اللي يوديها ومسؤول منها
هاه وش رايك ؟ مو كذا احسن والا تخلي الشيطان ياخذها يمين وشمال لحد اعوذ بالله ما يتحول لحقد وكره بين الارحام
وسامحيني حبيبتي على ركاكة الاسلوب بس حبيت اوضح لك نظرتي من الموقف انه عااادي ولا يستاهل تكدير ولا زعل وشيل في الخاطر
واذا مالمسنا العذر وسامحنا اخواننا اللي من لحمنا ودمنا وش راح نبقي للناس الله يرحمنا برحمته