اخواتي فديتكم بنتي كاسره خاطري ادخلوا قولوا لي انا صح ولا غلط

السلام عليكم ورحمه الله وبركاته

خواتي فديتكم

مرة متأزمه من موضوع بنتي الكبيره هي البكر

ومتوظفه عمرها 28

جو خطاب يخطبونها العام الماضي في في جماد الثاني في شهر 6 و كلموني الحريم ويو شافوا بنتي و عجبتهم مرة
والناس هذولي دلوهم ناس علينا وحنا ما نعرفهم ولا نعرف هم من عائلتهم سبحان الله النصيب
و اتصلوا يأخذون رقم ابوها عشان يجي المعرس و يخطبها و نسأل عنه
قلت لهم ابوها مسافر خارج قطر و مايرجع الا في شوال ومرة ظروفنا صعبه و استحاله يجي قبل هاي الفترة
حتىى لمن خبرت ابوها مرة فرح فيهم وقال خلاص اخذي بيانات عن الولد اسمه ومقر عمله من الحريم و اخلي اصدقائي ومعارفنا يسألون عنه و اذا يت قطر يكلمونا و الله يحيهم اذا سمعت اخبار زينه عن الشاب

دقت علي الحرمه وقلت لها عن سالفه ابوها و تعطيني معلومات عن الولد قامت قالت لي ليه حرام عليكم تأجلونها لشوال قلت لها ابوها مب فاضي و مسافر لعمله ومرحب فيكم ويقدر يقابلكم في شوال
قالت لي لا مو معقول ننتظركم الى شوال بعد 3 شهور ما نقدر نأخر نصيب ولدنا و الله يستر علينا وعليكم

مرررة زعلت و حزنت على بنتي ما تدرون ايش كثر فرحتها لمن يو اخطبوها زي اي بنت بس ظروف ابوها ما تسمح لها يقابلهم الا بعد 3 شهور عشان ظروف عمله

و تكرر نفس الشيء هذي السنه و يو ناس و اخطبوها في شهر 7 وكمان ابوها كان مسافر خارج قطر و قلت لهم نفس الكلام الي قلته للعائلة السابقه و قالوا ما نتوقع راح يكون فيه نصيب بيننا ليه ما ابوها يجي يوم على الاقل يقابلنا

لمن قلت لابوها مرة زعل و حزن على حالها وقال سبحان الله ما جاء نصيبها الا في الفترة الي اكون فيها مسافر
لا و المشكله ان جدها ابوي و ابو زوجي متوفين و لا عندها اعمام هو وحيد اهله و انا اخواني صغار مرة

انا عارفه ان نصيبها لسى ما قر
بس يا ناس وش فيها لو صبروا 3 شهور بس وجو قابلوا ابوها معقول هذي الفترة كلها ما يقدرون ينتظرون و لا النصيب راح ينقطع و ما يتم الا هذي الفترة

ارجوكم طمنوني وانتوا حصل معاكم كذا ارجوكم ريحوني مب قادرة انام فديتكم بنتي وابي افرح فيها:(
اخواتي صدقوني ابوها ما يقدر يجي و ربي ما يقدر دوامه فديته جدا جدا صعب و شاق ولازم يخلصه في فترة معينه و فوقها عنده امتحانات لانه يدرس برى في الخارج

وش فيها لو اجلنا الخطبه 3 شهور لظروف ابوها ؟؟؟؟