اخواتي في الله انصحوني ووجهوني ضاقت بي الدنيا

انا متزوجه من 8 سنوات اغلبها مشاكل وصلت في اغلبها للطلاق بس ماصار
الانسان اللي اسمه زوجي عصبي كذاب ولسانه سليط ويقط كلام على الطالعه والنازله واهو يحب النكد يدور اي شي يزعل عليه ويعصب ويجلس اسبوع اسبوعين مايكلمني حقود مايسامح ابد وانا بالعكس ماحب النكد ولا الهذره ومتسامحه انسى بسرعه
احنا كنا ساكنين معاه بمدينه عمله بس اهو من كثر مشاكله وهمه وغمه كل يوووووم مشكله وتهديد بالطلاق وانه بيتزوج ثانيه على اتفه شي والله العظيم وكذا مره يقول بنزلكم بديره اهلي انا اقوله لا مانبي بس بالفترات الاخيره حسيت اني تعبت من الغربه اولا ومن النكد اللي عايشته معاه ثانيا حاولت اني اتفاهم معاه كلمته اكثر من مره ان يغير من اسلوبه وطبعه بس مافي فايده يقول اي بس يوم ثاني يخلف الوعد واصير انا الغلطانه واهو ماسوا شي المهم قلت له نبي نسكن بديره اهلي عصب ورفض قال ماتمشيني ع مزاجك يمن قلت لك ذاك اليوم ما ضيتي والحين تبين تنزليني قلت له غيرت رايي شفيها شفرق اليوم عن امس قال كلمتي اهي اللي تمشي مب كلامك وكبر الموضوع مع ان ناس كثير من ربعه يروحون مع ازواجهم وبعدها ينزلون ديرتهم عادي ماسوها مصيبه الا هذا قلت له انا تعبت نفسيا مارضى قال ماراح ادور شقه وماعندي فلوس بس بعدها ابوي قال اذا على الشقه في بيتنا شقه فاضيه اجلسوا فيها بمبلغ رمزي طبعا ابوي قال ببلاش بس انا رفضت لانه يهددني دايما بالطلاق وان بيتزوج ليش اوفر عليه خليه يدفع المهم انه وافق بس للحين مانقل اغراضنا يقوب لمن ينتهي اجار هذيك الشقه
وكذا مره يطالبني بذهبي اني ابيعه واعطيه اياه بس انا مارضئ وبنظري اللي يطالب زوجته بفلوس مب رجال عشان كذا صغر كثير بعيني لانه كبر الموضوع وسواها قضيه وانتي ماتستاهلين اللي اسويه لكم وانتي بخيله وانتي ماتستحقين تكونين زوجه وماتوقفين مع زوجك اقوله موبحاسه بالامان معاك يقول عطيني فلوس
حتى الحج يقول خلي ابوك يحججك لان المفروض ابوك الملزوم يحججك مو زوجك>> هذا نظامه المتخلف
قلت له فلوسي تحججني موبحاجه لك
وسالفه الرقص اللي ازعجني فيها انا ماحبه ولا اعرف بس من كثر مايزن فوق راسي صرت ارقص له اللي اعرف بس اوقات اكون تعبانه وفيني النوم او مالي خلق اعتذر منه اقوله اليله مااقدر خلها وقت ثاني يعصب ويتنرفز وليش ماتسمعين كلامي وانا كني اطر منك ترقصين لي وانت مومريحه زوجك
يعني اذا اعتذرت يوم لاني تعبانه خلاص كفرت وقامت القيامه هذا خواتي كلهم مثلي ولما ازواجهم طلبوا منهم الرقص قالوا مانعرف بعدها خلاص تقفل الموضوع مادوروا المشاكل والهم والغم وانا سويته له مو ماسويته بس حرام علي اكون تعبانه في اي يوم لازم انفذ الاوامر بدون نقاش
وليله قبل مايجيني قال كشخي وحطي مكياج اهو يجيني متأخر الساعه وحده بنص الليل وانا فيني النوم صراحه ومالي نفس ذيك اليله احط مكياج لبست وكشخت يمن شافني قال وين اللي قلت لك قلت له ان شاءالله ليله ثانيه لاني تعبانه ومالي نفس اتمكيج بوز وقال ماتسمعين الكلام وانتي ماتفهمين وانا تعبت معاك قلت شصار الحين لاتكبر الموضوع هذا انا شحلاتي بدون مكياج بعد لواني شيفه كان ممكن اقول لازم مكياج بس خلاص ماحطيت اليوم بكره احط قال مابي منك شي خلاص ونامي سديتي نفسي عن كل شي قلت شفيك لهدرجه ماتصدق من الله يصير اي شي وتبعد عني ماله داعي تسويها مصيبه واهو دايما كذا اي شي يصير يتمنع ويبعد عني
ومره كنا نتعشئ قلت بسولف معاه انا ووجهي اقوله قست وزني ضعفت شوي قام طالعني بنظرات حاده ويصارخ ان قايل انتي ماتسمعين كلام زوجك وتسوين عكس اللي يبي الى متى وانا متحمل وصابر بس تسمعين كلام الناس تسوين رجيم من وراي وانا قايل لك جسمك عاجبني قلت له شفيك انا لاسويت رجيم ولاشي بس من تعب النفسيه انا شدعوه مرتاحه قال لا انتي متعمده وطولها وهي قصيره وكلما جلسنا مع بعض عاد الموضوع وقهرتيني وقهرتيني وانا الحين موعاجبني جسمك ومادري شنو قلت له اصلا انت لاحسيت اني ضعفت ولاشي بس الحين يمن قلت لك ماصدقت تلقى شي تهذر عليه اوف تعب قلبي من حنته وهذرته
وكم مره يقولي يبي الدبر وانا الف مره اقوله لا ويزعل ويسويها مصيبه وبتجي اللي تريحني انتي ماتسوين اللي ابقي ليش ماتسمعين كلام زوجك وووو
مسوي نفسه اهو الملاك الطاهر وانا الشيطان الرجيم مع ان العكس اهو الصحيح
وسالفه ولدي لما يجي ياخذني من بيت اهلي اخر الليل اجيب ولدي الصغير معاي كذا مره يقولي لاتجبينه نبي ناخذ راحتنا اقوله وين اوديه اهلي نايمين وامي الله يحفظها مافيها حيل العيال. واصلا نايمه ليش ازعجها بعيالي الوقت متأخر لو بدري عادي ياما خليته عندهم اصلا مين يمسك ولدي غيرهم>>> لانه يقول عيال البنت يمسكونهم اهل الزوجه اما اهل الزوج مايمسكونهم حرام هذا قانونه
المهم انه جمع هالامور كلها مع قضيه ان احنا طلبنا ننزل بديره اهلي وقلب علي فجأه صار عصبي اكثر ومايتحمل مني اي كلمه ويدقق على كل صغيره وكبيره
ذاك اليوم احنا طالعين دقوا علي اهلي وانا راجعه بيت اهلي قالوا اشتروا معكم بيبسي عشان العشا قلت له قال ماعزمتوني قلت له تفضل قال لا الحين ماعمركم عزمتوني لازم انا اقول ومانبي منكم شي وهذا انتي ماتحسين وماتتغيريني >>>مايسوي علينا هالبيبسي اللي بتشتريه
كثر كلام قلت له شفيك تدور المشاكل قلنا لك تفضل ماعجبك شسوي لك بوز وحالته حاله
تعبت تعبت من حنته وهذرته
والحين يقول بيتزوج وحده ثانيه انا قلت له تزوج عادي لاني ادري ان رايي مومهم وفعلا فتحت جواله لقيت رقم واحد يخطب
احس اني مصدومه مع انه كان دايم يهددني اوقات اقول احسن عشان ارتاح من هذرته ومشاكل يمكن يلهه معاها ويفك عني وانا اشوف نفسي واربي عيالي واوقات احس اني مقهوره بعد ماصبرت عليه هالسنين وتحملت الغربه عشانه هذا جزاتي وانا الحمدلله ماناقصني شي بشهادته بس يقول انتي ماتسمعين كلامي وانا مومرتاح وتعبت اهو يسرد لي الشي اللي مضايقه فيني اي بس انا افتح فمي واقوله انت فيك وفيك لامممنوع على طول يوخر عني ويقول خلاص سكتي وانتي مامنك فايده
انامشكلتي الحين وقت النوم مااقدر اكون مثل ماكنت قبل معاه حاسه بغصه بقلبي وللاسف مومن حقي اعبر حتى عن مشاعري
ودي يخليني عشان العيال وحقه ياخذه بس مو مثل السابق اكيد في اشياء بتتغير بس اخو ماراح يعجبه اخاف يقول بيطلقني واخسر عيالي اللي صبرت عشانهم طول هالمده وبنفس الوقت موب قادره اجبر نفسي اتقبله انا كرهته والله العظيم مالي نفس حتى اطالع وجهه صرت ادعي عليه ليل نهار الله ياخذه ويريحنا منه ومن شره والله لو يجي هاليوم بكون اسعد انسانه في الدنيا بعيش انا وعيالي مرتاحين ماحد ينكد علينا ونخاف انه يفرقنا عن بعض هالشعور متملكني
لان عذر زواجه اقبح من زواجه نفسه بدل مايفكر بمستقبل عياله ومصاريفهم بيروح يتسلف عشان يتزوج ويحرق قلبي الله يحرقه اهو وياها
شسوي عشان اقنعه انه يتركني بحالي اعيش عشان عيالي وحقه ياخذه بالطريقه اللي انا تريحني لان ماعاد في مشاعر تربطنا كل شي انهدم
شلون اغصب نفسي اتقبله وشلون اعامله في الايام الجايه انصحوني بنات انا تعبت من التفكير
افكر اني اسجل في التدريس في اي مكان حتى لو في الربع الخالي بس ارتاح من وجهه ومشاكله
بس مادري في سكن للمعلمات في الدوادمي وهالمناطق البعيده ولا لازم احد معاي من اهلي؟؟؟
اتمنى توجهوني لاني تعبت ابي اعيش مرتاحه مع عيالي ام اهو ماعليه حسوفه ابد بس ماتوقع بيتركني بحالي كيف اقنعه الله يعافيكم قولوا لي ؟؟؟؟