اخواتي كذا مره أوفر رفع ضغطي الله يهديه

اول شيء السلام عليكم ورحمة الله وبركاته
اهلين في اخواتي العزيزات
كيفكم أن شاءالله بخير
بدخل بالموضوع على طووول مابي أطولها
زوجي المصون الصراحه مزودها
طبعا له بالسنه سفرتين مع اخوياه هذي أساسيه لكن بالمقابل ابن الحلال مايقصر معنا يسفرنا بالسنه مره مكة عمره و دبي يعني مو مقصر
له سنتين حول سفرت مكة وخلاها جماعية مع اهله
وانا وحده ما اعرف ولا احب الرحلات الجماعيه هذي اكرهه كره فيها رسميه وما اخذ راحتي لاتقولون جربي جربت معاهم مره ومرتين وثلاث ماااا انبسط
يعني بالعيد اخذنا شاليه بالشرقيه مع الحموله ممدا بس قبل شهر
ونمت يومين وتحملت عشان زوجي مايزعل رغم اني٢٤ ساعه متغطيه واخوانه كشفو علي بالغلط وحاله صراحه مااخذت راحتي ابدااا طبعا انا مرت ولدهم الوحيده
الأن تدق علي اخت زوجي ما تزوجت بنوته تقول احتمال نروح مكة زوجي الله يجزاه خير اقترح عليهم وبياخذهم الشقة صديقه ملك بالعزيزيه لكن حاليا صديقه موموجود بالشقه فعطاهم اياها ابلاش ياخذونها٤ ايام باليوم الوطني
انا انصدمت ممداك يازوجي العزيز جاي من البوسنه انت واخوياك جلستو اسبوعين وقبل البوسنه في عيد الأضحى كنا مسافرين مع الحموله اخذنا شاليه لكم ان تتخيلو انا وبزراني وخوات زوجي بغرفه وحده وأخوانه داخلين طالعين
مافتحت فمي يوم انك رجعت ماقلت اكافئها في عمرة يومين استاجرلها فندق نعوضها صفر ع الشمال
طبعا سألته تبي تروح مكة قال ايه بنروح مكة تبين تجين معنا تعالي قلت الله يحفظكم تروحون وترجعون بالسلامة
بس جد مقهوره مو حل كل ماجا يسافر اخذ اهله والسفر والوناسه فقط مع اهله الواحد وده بخصوصيه اوك جميل انه يبر في والدينه ويمشيهم هذا واجب لكن بالمقابل هاالحرمه طلعها الحالها مشها سفرها يومين غير جوها مايحتاج اذا بسفرها لازم امه وابوه واخواته واخوانه والله اني قسم بالله العظيم احبهم لكن ودي بالخصوصيه مهما يكن انا احتاج مساحه من الحريه اتضايق من تصرفاته ورب البيت صرت اخاف اقترح نتمشى او نسافر لانه لو اقترحت راح شاور اهله بنروح المكان الفلاني تخاوننا تجون معنا صرت اسكت واحرم نفسي ولا اروح وما انبسط
انا ممكن اتحمل مره بالسنه يسافرون سوى و ياخذون شاليه بالعيد يومين ينامون فيه عادي اتحمل واسكت واجامل لكن كل سفره مع بعض معليش مبالغ فيه الموضوع منتالي زوجي يبالغ قبل ماكان كذا
ظروري حل انا تعبت اطنش واحتسب الأجر واحرم نفسي