اخواتي كيف تعملوا القديد

السلام عليكم ورحمة الله وبركاته
كيف حالك اختي ام شفاء والله يعنيك علي الغربة واياك
بالنسبة للقديد هو من احد اكلاتنا الشعبية في بلدنا وطريقة عمله جدا سهلة تاخدينا اللحم مع القليل من الشحم ويفضل الخروف وتعمليه شرائح بعدين تغسليه قويس وتجففيها من الماء ثم تتبليه بالتوابل الاتية:
فلفل احمر بودرة - كركم- قليل من الفلفل الاسود - زيت -طماطم معجون (قليل) - الملح ( وهو الذي يساعد في تجفيف اللحم ويجب ان تكون كميته معقولة ويساعد علي طرد الحشرات عند نشره في الهواء الطلق يغمر جيدا فيه) تخلط المقادير جيدا وتكون كميتها علي حسب كمية اللحم ثم ينشر في الهواء الطلق وتحت الشمس في مكان نظيف ويقلب يوميا حتى نتاكد انه جف تمامت( وهذه النقطة مهمة) ثم يقلي في زيت زيتون حار وغزير مع فتح نوافذ البيت لان الرائحة قد تكون قوية خاصة لللاطفال ويقلي علي نار هادئة حتى يخرج دهانه ثم يحفظ في برطمان فخاري ونحكم اغلاقه جيدا بعد كل استعمال وهو لذيذ جدا خاصة مع البيض ( ونسمها نحن شكشوكة البيض) وغيرها من الاستعمالات وانشاء الله يعجبك
والي اللقاء ان شاء الله :24: :26: :27:

بارك الله فيك ياسومة

ولاني من نفس بلدك{ليبيا الحبيبة}

ابحت عن طريقة القديد

لاني من وقت طويل وانا في الغربة وماسمعت ان في احد فعل القديد
وشكر لك

السلام عليكم ورحمة الله وبركاته
مرحبتين بالقديد وأهله

شوفن يا حنا
طريقتى زى ما قالت ام نوفل بس انا ما نحطش الا فى الملح واشوية ابزار فى التتبيله
وبعدين انجيب فى المنشر امتاع الدبش ونلبسه بالسلفير بيش مايلطعش فيه الدهان
وعندى دفايه اصغيره زى امتاعات السياره
انحطها امقابله للحم بعيد اشوى مش لاصقه فيه
ونقعد انقلب فيه بأستمرار يأخذ من 3 الى 4 ايام ويجف
طبعا هذا فى الشتاء اما فى الصيف ننشر فيه فى الشمس زى ما انديروا فى ليبيا
لكن ديمه العيد الكبير جاينا فى الصقع الله غالب

وكنك ع الريحه مش هلبه واكان عندك بيسمنت حطيه لوطه ما يشمش حد
وكان ما هذا حطيه فى مكان خاطى بيش الصغار ما ينوشوش
وبعدين اقليه زى ما قالت ام نوفل

وعليك وعلى الجارى

سلام