السلام عليكم ورحمة الله وبركاته ::::

وصلت اسال مجرب ومريت بمثل هذي الحاله واصعب وقمت اخاف واوسوس واحس اني بموت و كتمه بالنفس و ما خليت شي و ما سويته ما خليت مستشفى مارحت له و العلاج ما عطوني شي لاني سليمه يا اختي العلاج النفسي اللي سواه لي الوالد الله يحفظه و ما رضى يوديني طبيب نفسي لان الشي علاجه بإيدج .. تذكري هالكلامه العلاج بإيدج ..اي بإيدج انتي محد راح يساعدك إلا ربك ثم نفسك شوفي يا حبيبتي انا حاسه فيج و و بضيقه اللي نازله عليج و الخوف اللي تعيشينه بهل السبب..السبب انج توسوسين يا قلبي انتي توسوسين الشيطان ما يبي من ابن ادم غير انه يوسوس عشان يخوفه و يعيشه برعب انا يوم جتني الحاله فكرت بالانتحار و طرحت هالشي على اهلي لاكن فهموني ان هذا اهو الشي اللي الشيطان يبيه و ان الانتحار ما راح يفيدج بيضرج اكثر و الحين لازم اتعرفين للمره المليون ان العلاج بإيدج ..

اولا : يا عزيزتي اعرفي انج الحمد لله سليمه والتحلاليل تبين هالشي والدكاتره طمنوج و خليج واثقه انج سليمه و بصحه وعافيه..

ثانيا: اقري على نفسج المعوذات و اية الكرسي و تعوذي بالله من الشيطان الرجيم و كل ما جتج الحاله قولي الله اكبر بصوت مسموع الله اكبر الله اكبر راح تروح برمشة عين صدقيني كلام من وحده جاها نفس الاعراض اللي تجيج صدقيني بس تجيج قولي الله اكبر بصوت مسموع اعوذ بالله من الشيطان الرجيم راح تروح الحاله لان الشيطان يهرب من كلمة الله اكبر و صلي قيام الليل و في كل صلاة بسجودج طولي واقري الدعاء اللي بتوقيعي ..
و شوفي ما ابيج تتضايقين واعرفي انج اقوى من الشيطان وانج مسلمه و شجاعه وقويه ما راح تسمحين للشيطان انه يخوفج و لا تنسين الصلاة بوقتها ...

ثالثا ::روحي عن نفسج بكل الطرق وانتي تلاحظين نفسج انج لما تكونين بروحج تجيج هالاعراض صح كلامي او لما تكونين تفكرين او معصبه لان الشيطان ينتهز الفرص والشيطان شاطر لاكن انتي اشطر منه لان الله اعطى ابن ادم سبل و طرق كثيره يقدر يتغلب عليها من الشيطان اقعدي مع الاهل طلعي عيالج اطلعي استانسي ووعد مني انج اذا التزمتي و غيرتي نفسج و حطيتي ببالج اللي قلنته لج من اليوم راح تحسين بتحسن و انج اليوم قدرتي تتغلبين على هالحاله و لا تتوقعين انها بتروح من يوم وليله لاكن بتخف وانتي مرتاحه مثلي و انتي الحمد لله وحده تخافين ربج و لا تخلين الشيطان يغلبج ويالله ورينا الشطاره و تغلبي على الشيطان و رفهي عن نفسج شوفي بكل مكان تجيج هالحاله قولي الله اكبر و ماراح ترجع لج بهالمكان مره ثانيه ممكن تجيك بمكان ثاني ونفس الحاله قولي الله اكبر تعوذي من الشيطان لما يعرف الشيطان انج ملتزمه بكلمة الله اكر وما يلقى مكان يجيك فيه وممكن يوسوس لج بشي ثاني عندج انا وسوس لي بقلبي و ببطني الاصوات وبالطنين واصوات من اذني الخ لاكن داومت على الله اكبر والقراءه على نفسي والحمد لله انا الحين بصحه وعافيه واظحك على نفسي....

اختي الحبيبه تكلمت واجد لاني حاسه فيج واللي جاك جاني و حبيت افيدج ان مالج علاج غير اللي ذكرته لج نظمي وقتج ولا تسهرين وانشغلي بدينج ودنياج ولا تفكرين واجد و راح تحسين بفرحتين فرحة التغلب على الشيطان و فرحة الشفاء من الوسواس ...

تحياتي لج بصحه وعافيه وبارك الله فيج اقري المعوذات واذكار الصباح والمساء واية الكرسي بعد كل صلاة يالله الحين اخليج و هذي خلاصة تجربتي مع الوسواس و اعوذ بالله من الشيطان الرجيم

وللعلم انا ما ادش هالقسم واليوم دشيته و قريت موضوعج و كأن الله دازني لج ..

روح المسك اختي رحت اسوي تحاليل وانا الحين اتريا النتيجه ان شاء الله شامه مشكوره اختي جزاج الله الف خير ام احمد ما عندي احتكاك بالفقرات بس قالت الدكتورة انا عضلات الرقبة مشدوده وه>ا الشي يبغيله علاج طبيعي يعني تدليك وان شاء الله اروح قريب اختي دلال مشكورة اختي وان شاء الله ماراح اشكي والله كريم الدنيا ساعه الله يطمنج حبيبتي
اخواتي ادعولي في صلاتكم ان الله يشفيني

اختي العون والله العظيم اني لا الف نظر ولا شي ب بس اختي الحمدالله على كل حال

اختي اسال مجرب مشكورة اختي وجزاج الله الف خير والله انه كلامج دخل قلبي وبديت اطبقه وان شاء الله انه الله يشفيني وانا املي بالله كبير وانه هو وحده قادر على كشف الضر مشكوووورة اختي واااااايد

بالنسبه للخفقان وضيق النفس اخويا كان عنده نفس المشكله لدرجة بعض الأوقات دقات قلبه تتسارع ويحس انه حيموت ونفسه حينقطع
استغربنا لمن الدكتور قاله حاله نفسيه لأنك تفكر كثير وتوسوس وقاله يمكن تفكر بالزواج وفعلا اخويا يفكر على طول بالزواج يعني طلعت الحاله نفسيه
والله يشفيك الأخوات ما قصروا .

:)