اخواتي محتاجه مساعتدكم لي

عندك في قسم الاطباق وصفات كثيره حلووه وسهله ومنوعه راح تستفيدي اكيد

ياعمري الله يكتب أجرك على برك بأمك ويارب نشوفك احسن طباخه وتنزلين لنا صور سفرك

الموضوع سهل
سوي لك قائمة
خلينا نبدا بالعشا

مثلا اليوم الأول
شوربة - مسقعة - سلطة
اليوم الثاني بروستد - بطاطس مقلي - حلا
الثالث شاورما - سلطة
الرابع سلطة مكرونة - شوربة - معجنات

وتروحين اقسام الطبخ
تاخذين وصفات من الاطباق الساخنة - المقبلات - الحلويات
وتبدين تطبقينها مثل ما قالت الاخت اللي منزلة الموضوع بالضبط
وبعدها تشوفين الطعم اذا عجبك وعجب اهلك اكتبي الوصفة بدفتر واذا طلعت نص ونص انسيها

بعد شهرين بيكون عندك دفتر مليان وكنز في مجال الطبخ صيري طبقي منه وتفنني كل يوم

وممكن تسالين امك وش مشتهية يا امي اليوم

والغدا نفس الشي حاولي تغيرين ما تكررين بالاطباق وكلها خذيها من المنتدى

يوم برياني دجاج - يوم كبسة لحم يوم سمك يوم تونة ورز
يوم مضغوط يوم مشخول يوم مقلوبة يوم الغدا هندي بصدور الدجاج
والسلطات نفس الطريقة يوم سلطة عادية يوم سلطة فلفل حار يوم سلطة جرجير يوم سلطة خيار بالزبادي

وربي يوفقك يارب

دعواتك :)

والله ياعزيزتي كنت مثلك بالظبط مااعرف ولا حاجه حتى الشاهي وهو سهل مااعرف ...
لكن شجعت نفسي اني اتعلم اول شي اعملي الصواني مثل صينية الخضار او مكرونه بالباشميل وغيرها من الصواني:::الخ
هذذي بدايتي وفي حاجه قبل الطبخ جهزي كل شي قدامك مثل الشيف عشان الطبخه تسهل عليك ...ويله شووي شوي حتى توصلي لللاطباق الرئيسيه ...لكن انصحك تشتري دفتر وكل طبخه تظبط معاك اكتبيها حتى تكوني دفتر لك وماتحاتجين كتب طبخ لان هذي مجموعة تجارب اتي جربتيها وضامنتها ...والله يوفقك

ابدئي وتعلمي سوي كل يوم حاجه الين تتعودين وتصيري ماهره بالطبخ انا كذا بداياتي و الحمدلله الحين اسوي اصناف ع السفره....اشتري لك كتاب طبخ وراح يفيدك كثير صدقيني...

موفقه ياقلبي

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..