لااله الا الله محمد رسول الله

اااااااااااااااب

يا حلوووووه الاكل والله ما بيطير
الله ينحفنا من غير شر

شطورة كذا ابغاكي ما عندك ارادة و تضعفين قدام قطعة بطاطس .. قطعة بطاطس !!! يا ريتها حاجة واو و الا شي لا يمكن مقاومته .. قطعة بطاطس !!! كم مرة اكلتي بطاطس في حياتك ؟؟ شايفة هذا كله وزنك الزايد الي تحمليه معاكي 24 ساعة و كارهة نفسك بسببه و قاعدة تتعبي و تسوي رياضة و رجيم و تروحي اخصائية تغذية .. هذا كله 23 كيلو من البطاطس المخزونه في جسمك
ما شبعتي منها ؟ ؟ اتوقعتك بصراحة انضج من كذا
الي ما يصبر على قطعة بطاطس .. ما يصبر على اي حاجة ثانية .. ما يصبر دراسة ما يصبر على شغل ما يصبر على حجاب ما يصبر على صلاة ما يصبر على صيام ما يصبر على حاجة ابدا و تصير حياته فوضى و اهمال
قطعة بطاطس !!!!؟؟
يا عيب العيب ...
لما تشوفي قطعة البطاطس مرة ثانية و تشتهيها ... ناظري نفسك في المراية و شوفي البطاطس الي مخزنتها في جسمك وقتها رح تكرهي شي اسمه بطاطس..

( اسفة اختي على الكلام القاسي و الله ما اقدر ابدا اجرح اي انسان بس انتي طلبتي التهزيئة و حسيت فيكي و الله كنت اعاني نفس المشكلة اتمنى ما يكون الكلام قاسي زيادة عن اللزوم )

يا اختي قطعة و الا 2 و الا 3 كلللللللها نفس الطعم .. ممكن تاخذي وحدة من نفسك و لو شفتي انك ما تقدري تقاوميها .. قاوميها مرة وحدة بس و بعدين رح تتعودي انك تتجاهليها ..
فكري فيها انها عدو الك .. مو الشيطان يوسوسلنا انا نتاخر عن الصلاة و نظل نقول بعدين بعدين .. و نهزمه و نقوم نصلي غصب عن خشمه ؟؟
نفس الشي تخيلي البطاطس تقولك كوليني كوليني و طنشيها لانها غلط في غلط .. و سوي اي حاجة ثانية مثل انك تاكلي تفاحة و الا تشربي عصير و قوليلها فشرت عينك ماني ماكلتك

اختي لما تجوعي سوي هذا السناك مررة حلو و سعراته قليلة بالحيل : لانك متعودة اتنقرشي على البطاطس .. اعمليها بطاطا مهروسة .. تسلقي حبتين صغار و تهرسيهم .. بعدين على انار حطي شوية حليب خالي الدسم سال .. ملعقة زبدة .. سماق و ثوم مهروس و فلفل اسود لين تجمد .. حطي عليها نعنع ناشف و كليها مررة لذيذة و تشبع و سعرات قليلة

ممكن تحطي ملعقة لبنة مع ثوم بودرة شوية و سماق و فلفل اسود .. و تقطعي حبات طماطم صغيرة و بروكلي .. و تغمسيهم وحدة وحدة في اللبنة كانك قاعدة تاكلي بطاطس بالكتشب .. مررررة لذيذة و سعرات قليلة بالحيل

و انا متاكدة انك عندك ارادة و قدها و قدود باذن الله .. ما شاء الله عليكي نزلتي من وزنك 6 كيلو تقدري باذن الله تنزلي الباقي .. اهم حاجة اول خطوة و انتي عملتيها .. مشوار الالف ميل يبدأ بخطوة

كملي الله يحفظك .. و تذكري انه : الرشاقة و التخبيص بالاكل لا يجتمعوا مع بعض

و بيدك انتي لوحدك القرار