اخواتي من جربت الدواء فيفرين للوسواس

شوفي موقع إسلام ويب ياصفون لك هالدواء د. محمد عبدالعليم يمدحه.

الله يشفيني ويشفيك وكل مبتلى بهالوسواس الخبيث 😞

اول شي وش نوع الوسواس هل هو عن الصحه او الموت او المرض او النظافة او ايش بالضبط عشان أساعدك

والله موعارفه كيف اوصف حالتي
من زمان فيني وسواس متنقل بجسمي او بمرض معين لكن لي ثلاث سنوات متوتره من الرقبه وموسوسه فيها مثلا احركها او المسها بيدي
اتفقد شكلها هل حصل شي فيها او اطقطقها بكثره وهذا الشي مزعجني ونفسي اتخلص من العاده الغريبه 

اتمنى انك فهمتي علي
والله اني بهم شديد من الشي هذا 

اعرف انه الي اسويه غلط بس مو بيدي اترك هالعاده
دعواتك لي بالشفاااء

حبيبتي ثقي بان الشفاء اولا بيد الله سبحانه
ثم بيدك
اسمعيني زين وطبقي كلامي بالظبط وصدقيتي بتدعين لي
انا حاسه فيك
اول شي قولي الشفاء والعافيه بيد الله سبحانه وحده
ثم انا بخير وهذا شيطان يبي يخوفني
لان الشيطان له هدفين في الحياه الاول هو ان يجعل الانسان يشرك والهدف الثاني هو ادخال الهم والحزن للمسلم لا تسمعين لوسوسة الشيطان فتضيعين اذا قال لك رقبتك فيها شي قولي لا كذاب اسم الله علي انا بخير وثقتي بالله عاليه
* الثقه بالله والتوكل عليه وعدم الخوف من المستقبل لان هذا في علم الغيب
وإذا قال لك الشيطان بيصير لك كذا او كذا قولي انت كذاب وش يدريك
* مجاهدت الشيطان وعدم سماع كلامه أبدا ستواجهين صعوبه في البدايه لكن تحملي لازم تكوني قويه وبعدين بيسهل عليك اذا قال لك الشيطان المسي رقبتك قولي لا ولا تلمسين رقبتك وإذا قال شوفي رقبتك في المرايه قولي له لا وأي شي يقول سويه ارفضي وقولي لا
* لازم تكوني عارفه ان هذا شيطان مطرود من الجنه ويكره بني آدم وخصوصا المسلم
* لا تقولين ما اقدر او صعب او اي كلمه تهد ثقتك في نفسك قولي انا قويه والشيطان ضعيف
* للمعلوميه الشيطان يشوفك فلما تحزنين يفرح وينبسط ولما يشوفك فرحانه يخزن
* ثقتك بالله لازم تكون قويه
*اذكار الصباح والمساء واذكار بعد النوم وبعد الصلاة
* قراءة سورة البقره بشكل يومي
* التكبير والأذان
*استودعي الله حياتك وثقي بالله انه هو الحافظ
* أكثري من الصدقه الصدقه الصدقه
* الدعاء وتحري وقت استجابة الدعاء
* لا تسمعين كلام الشيطان وقولي حياتي بيد الله
* اتركي عنك النت ولا تقرين الأعراض والامراض اللي في النت
* الحياه ما تستأهل الهم والحزن

ام ايتام الله يوفقك ويحفظ للك اولادك والله انا اطنش بس مشكلتي معي شي يقلقني  

حاسه انه فيه شي بداخل عقلي يسيطر علي ويعميني عن الصح