اخواتي هاي معلومات مهمة عن السايكوت وصورتو

السلام عليكن ورحمة الله وبركاته..
قلتلكو عن مادة تستخدم للعزل الحراري اسمها سايكوت ارجو تتدوروا عنها لاني حطبق عليها كتير ..
ولا تستهينوا فيها فبدون مبالغة اعمل فيها شغل يجنن مو موجود في اي مكان .. وعنا في الاردن الى حد ما هاي المادة معروفة
هاي صورتها

218356
معلش مرة تانية انا لن اصور الا من ميدان العمل .. وما بهمني اذا الاوضاع مبهدلة لاني اعمل دايما وما بحب يكون في شكليات تصعب الشغل
218357

بس انتبهوا انتو لما تتعاملوا مع هاي المادة من التالي :
أولا : ان ياتي على ملابسكم شيء منها لانها اذا نشفت على الملابس ما بتروح ابدا مع كل الوسائل والسبب انها مادة بلاستيكية لها جرم .. يعني لها بروز وتلصق بقوة
ثانيا : لانكو ما بتشتغلوا فيها كتير البسوا كفوف احسن .. بتغلبكو مع الغسل.. انا بالنسبة لي مو مهم ممكن تشوفوا ادي وسخة بس هذه حاجة العمل
ثالثا : هاي المادة ضروري تستنوا عليها تنشف .. كم مدة النشفان ؟ لما يكون الجو بارد.. استنوا يوم .. واذا جاف وناشف بدها 7ساعلت .. وحسب كثافة الي حاطيني
سؤال : بماذا تخفف المادة .. ؟ تخفف بالماء .. لكن اذا بدكو تكتبوا فيها حطوا بس 10%ماء. وإذا بدكو تدهنوا فيها ممكن تكون كثافتها اخف ..

طيب كيف انا بكتب فيها ؟ انا بعبيها ببزاز اكسجين شعر اذا بتعرفوا .. بغسلوا كويس .. وبعبي.. وهاي العلبة بالذات بتسوي تقريبا برواز 100*80
218362
طيب كيف بعبيها ؟ بعبيها بسرنج كبييير .. هاي اسرنج مو للاستخدام البشري .. احنا عنا بتنباع بالصيليات الكبيرة..
218363

اعطيكوا مثال بسيط للكتابة فيها .. بس للتوضيح عبين ما تلاقوا المادة .. والي بتبدا وبتلاقي المادة تحكيلي .. ولاجل اهتمامها .. رح أعززها بطريقة عمل احلى برواز تحطوا في صدر البيت .. واتحدى اذا ما حدا اعجب بهذا البرواز

218364


لاحظوا كيف بروز المادة .. الحلو هذا البروز ما بروح ابدا بظل زي هيك وممكن توضحوا اكتر بالاعادة على الكتابة وتكثيف المادة .. عكل حال هدفي من هذا التوضيح تشتروا المادة والي بتشتريها وعد علي امشيها خطوة خطوة كيف تعمل ..
تذكروا هاي مادة اسمها سايكوت تستخدم للعزل الحراري .. ( وعفكرة الي عندها رطوبة في البيت بتحب بعلما كيف تبعدها فيها وحتشوف النتيجة ) وهاي المادة تابعة لدهانات سايبس..
بالختام انا بفرح كتير للي حتدور .. وباذن الله الا اعطيها اشياء لو باعتها او احتفظت فيها تكون تحف ..