اخواتي هل تصرفي صحيح

السلام عليكم
كيفكم اخواتي
ابقولكم على شي وابيكم تقولون لي هل انا ع حق ام لا اللي هو ان امي مريضه تسببت بشلل ونسيان الله يشفيها ويشفي كل مريض المهم ان خالتي اذتنا بشكل مو طبيعي بوقت الزياره بالكلام وبعض الكلام افتراء وكذب وتمدح بعض الناس عندنا انهم يبرون بأمهم بس عشان تقهرنا بمعنى ان انتو مو بارات بأمكم واحنا والله مانقصر تسب فينا تسب بأخواني يعني مهما اشتغلنا لامي تسب وتقهرنا بالكلام عند الحريم الغريبات تسبنا ان احنا مقصرات انسانه هرجها كثير ولسانها سليط الله المستعان ودايم تكرر كلمة امكم بتموت نفسياتنا تعبت وتتتدخل بكل صغيره وكبيره بكل شي سو كذا حطو من الافتراءات اللي قالتها عنا ان انا واختي نزود بعلاج امي وان احنا مانحط لها اكل يعني نجوعها فقررنا انا واختي ان نخلي الزيارات كلها للناس بوقت محدد والصباح مانفتح لأحد لان وقت الصباح وقت راحتي انا ومافي احد مع امي بالبيت هذا الوقت الا انا لان اختي متزوجه فانا اسهر مع امي بالليل مايكفيني النوم فيه فأكمل نوم الصباح بعد الفطور بس الادميه ذي تبي وقت الزياره مفتوح والله لو انها ساكته مافي مشكله بس لو جت وانا نايمه اكلتني بالكلام ولو نمت وهي موجوده قامت تتكلم تبغانا 24 ساعه صاحيين وتبي البيت مفتوح طول الوقت الان زعلانه تقول ليه ماتفتحون الباب قلت لها احنا ننام وامي كمان تنام الله يحييك العصر بس مو مقتنعه زعلانه سؤالي يابنات هل انا ع غلط او لا وهل من حقي اسوي هالشي او لا جاوبوني لاني تعبانه نفسيا ماحب احد يكون زعلان مني ..
وهل لي الحق اني ادعي عليها لان وصلت لأقصى مراحل الظلم والاذى حتى امي متضايقه من تصرفاتها وتقول اصبروا والله يكتب اجركم