اخواتي هل وضعي طبيعي ام فيه شيء غلط بحياتي

السلام عليكم
اخواتي
الحمدلله تزوجت رجل يحبني و يحترمني
بس من بعد ولاده اول مولد لي تغيرت حياتي و أسلوبي مع زوجي
منها عدم الاستقرار كل كم شهر وانا بشقه
وغير كذا زوجي ما اجلس معه كل وقتي للبيت و لطفلي
تخيلو ما يفضى و لا يحلى له السوالف و الكلام الا قبل الفجر
مضيع يومه كل بالنوم و بتصفح الأيباد و الواتس اب وما يجلس معي يخلي الوقت يمر بدون فايده او نجلس مع بعض و اذا طلبته يساعدني في شيء يقرى و يشارك في الواتس و يسوي لي اشغالي و عقله مو معاي
ويجي اخر الليل و انا هلكانه ويقول انتي ليه ما تجلسين معي حرام عليه
احس زودها فوق طاقتي انا مو مكينه 24 ساعه
كيف اعوده ع النوم بدري ؟! كيف أخليه يترك التفاهات و تضييع للوقت و السهر للفجر
الصراحه قل اهتمامي فيه هو كذا بارد و بآخر الوقت و ياجل المواعيد و غير منتظم بحياته
يارب سامحني حتى حبه قل من قلبي
وش الحل كيف انظمه بدون مشاكل و انظم حياتي معه والله ملخبطه و احس اني متوتره من تصرفاته وربي كل يوم ابكي ناقشته يقول انا مهموم و عندي أمور مضايقتني طيب معي متضايق و مع الواتس اب و الناس مبسوط و تضحك والله حياتي سيئه معه مو عاجبتني
طلبت منكم الحل الله يسعدكم و شخصيه زوجي جنوبيه