اخواتي واسووووووووني تكلمو معي

الأسرة والمجتمع

بسم الله الرحمن الرحيم

بنات انا في هم مايعلم فيه الاالله سبحانه وتعالي قصتي باختصاااار انا تزوجت وعمري 24سنه من شاب عمره 25سنه نعرفهم من بعيد
تم الزواج وكانت السنه الاولي مشاكل وخلافات كنت اشكي بس دايم يصبروني اصبري هذي دايم السنه الاولي مشاكل وخلافات
بعدين تهدون لين كلا يعرف طبع الثاني وانا بالعه موس وصابره كان راعي سهرات بلاستراحات يسهر من 12 اليل ولااشوفه الا9 الصباح وعروس الغفله تنتضره بقميص النوم شكيت هدد صبرت مافي فايده
مره السنه الاولي من الزواج قلت ليه مااجذبه لي واحببه في البيت واسعي انا نجيب طفل امكن يحس بلمسوليه ويركد وانا التهي عن اغلاطه وانشغل بطفل
رحت وكشفت كشف اولي وقالو كل شي سليم كشف هو كمان قالو سليم بس عنده زحمه في الحيوانات المنويه وعلاجها جدا سهل لاكن للاسف
مااخذ العلاج المهم وزوجي لازال ع وضعه الاول استراحات وسهرات ومكالمات تثير الشك يعني لما يدق جواله وانا متاكده انه رجال
مايكلم قدامي يروح مجلس الرجال ويقفل عليه ولايتكلم بلالغازاحيانا اشم فيه ريحه قويه واواجه وينكر وانا معطيته جوه اقول مصيره يعقل ويهديه الله مره سنه ورا سنه والمشاكل تزيد وكل ماقلت خلنا نكشف عند دكتور كبير يطلع لي بحج واعذار وكل مره يواعدني نروح ومانروح مماطل فيني لين مر ست سنوات يبنات وانا صابره واتامل خير وهو ع وضعه اقسم بلله اني حسيت ان هالطفل لي انا وهو ماراح يستفيد منه ولاراح يعني له شي المهم يبانات سبحان الله قبل شهر صرت اصلي اليل وادعي بحرقه وابكي ان الله يرزقني بذريه الصالحه وان كان في هذا الزوج خير لي ان الله يهديه وياالف بين قلوبنا وان هو شر ان تصرفه عني وسبحان الله بعدها بفتره صار موضوع بينا غير موضوع الخلفه والانجاب اهاني فيه وجرحني وحلفت مااقعد وطبعا هذي المره الثانيه الي ازعل فيها معه ورحت لاهلي ع اني مسيره وبعدها حلفت معاد ارجع له ارسلت له رساله وسكرت جهازي وبعدها بكم يوم ارسل لي ع الوتساب ليه سويتي كذا ومن ذالكلام قلت انت اهنتني واذيتني كثير وانا معاد اقدر اصبر قال وش طلباتك قلت لو برجع لك ابغاك توافق ع شروطي قلت ابي اتوضف لانها جتني وضيفه ورفض اقسم بلله العلي العظيم انا عايشين ع 2800 ريال وصابره ومتامله تزين الضروف وقلت لاجتني الدوره تجي توديني لمستشفي عشان اضمن اني اروح بس هذي طلباتي قال انتي زودتيها ومو فلان الي يمشي ع كيف حرمه واصلا انا ماابغي منك طفل قلت من زينك الشرهه علي الي متمسكه فيك لين الرمق الاخير قال انا الي متمسك فيك لين الرمق الاخير انا هنا اقسم بلله انه جاني زي الرمح في صدري وارسلت له قول يالله ان الله لايسامحك ولايبيحك ان كانك ماسكني ست سنوات وفي الاخير ماتبي مني اطفال وبعدها جاب اغراضي وملابسي لبيت اهلي شي في شناط وشي في اكياس زبايل سودا ملابسي في اكياس زبايل حسبي الله وكفي وخلاص اتفق هو وابوي ع الطلاق بنات اسالكم بلله انا ضغطت عليه بشي بنات انا صبري ماكان فتره كافيه بنات انا طلبته بشي ماهو من حقي اطلبه بنات ست سنوات راحت كذا بنات احس بقهر وغبن والم لهاالدرجه اناغبيه ولافهمتها من الاول انه مايبيني الازوجه لنوم ولطبخ والغسيل والتنضيف فقط بنات تكفون تكلمو معي انصحوني قولو أي شي يريحني يارب رحمتك

46
7K

يلزم عليك تسجيل الدخول أولًا لكتابة تعليق.

تسجيل دخول

ضياء الأمة
ضياء الأمة
ي قلبي لا تزعلين نفسك أنت أولاً ما قصرتي و صبرتي و تنازلتي عن أشياء كثيرة و ثانيا و هو اﻷهم استخرتي الله و سألتيه فثقي إن هذا اللي صار خيرة لك اﻵن  أنسي الماضي و باشري وظيفتك و ألزمي الدعاء و لا حول و لا قوة إلا بالله و اللهم أجرني في مصيبتي و أخلفني خيرا منها و لك رب ما راح يضيعك
قلوب جميلة
قلوب جميلة
وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ)

وانتوا للأسف مابيكم هالميزتين الي اختصها لثنين متوفقين مع بعض المودة والرحمة

حبيبتي انتي قبل ماتاخذي رأي اي واحدة طلبتي مشورة الله والله وجهك للخير

كونك ماحملتي هذا رحمة من الله ولو اطلعتم على الغيب لأخترتم الواقع الله كاتب لك انك تتزوجيه وتتعبي

وتتكدري ويشوف مدى صبرك لأنه ابتلاء من الله وانتي صبرتي لكن احسني الظن بالله الله كريم

وان شالله انه منتظرك شي احسن من الي فات وقولي اللهم اجرني بمصيبتي واخلفني خيرا منها .

وزوجك ماتأسفي عليه لأنه شكله من البداية مافي اتفاق ولا مودة ولا رحمة بينكم ولا توفيق

انتي قولي الحمد لله على كل حال والله معك
قيادية
قيادية
الي اشوفه انك مو مرتاحه  من الاول ودام ودك بأطفال يمكن ربي يبيلك الخير وربي يعوضك ان شالله بأفضل منه بما انو اتفق مع ابوك على الطلاق يعني باعك ليش تشترينه صلي صلاة استخاره وربي يكتب الب فيه الخير
أم وحيدي
أم وحيدي
يالله بكيتيني
ياعمري الله يعوضك بالرجال اللي يسعدك وتجيبين منه اطفال يملون حضنك
والله ماراح انساك بدعي لك بسجودي
حسبي الله ونعم الوكيل
pink fo0ofo0o
pink fo0ofo0o
وليه زعﻻنة ومكتئبة وحاسة بالذنب



فكري بس شوووي وجاوبي ع اسئلتي لتقتنعين....


خﻻل هالست سنين ايش قدم من تضحيات تشفعله عندك



طيب راتبه اقل من المتوسط وحارمك الوظيفة حاول يعوظك خﻻل هالست سنين ع صبرك ودور شغل احسن او وظيفة افضل تسعدك


كان يدللك ويمشيك ومعاملك باحترام