اخواتي ياليت تساعدوني الله يجزاكم خير

اخواتي الغاليات ياليت تعطوني رايكم لان حالتي تعبت منها وحيرتني وصرت قلقه منها ومتوتره بسببها
اخواتي بقول لك اللي صار لي وعطوني رايكم
ركبت لولب العادي جلس فيني سنتين تمام بعدها نزل دم علي شكيت انه متحرك من مكانه وزوجي كان مسافر وقتها جلس شهر لما رجع وداني وسويت سونار صار متحرك من مكانه خيرتني الدكتوره اشيله اريح فتره وارجع احطه وافقت وشالته بعدها
جلس اسبوع تمام بعدها جاني نزيف قالت الدكتوره طبيعي من بعد اللولب طول فيني النزيف جلس
شهرين فيني بعدها تعبت مرررره رحت للدكتوره وعطتني حبوب توقفه خاصه رمضان قرب وطلب اخذها لين اخر رمضان بعدها اتركها وبتنزل الدوره عادي وبتنتظم.
وفعلا سويت اللي طلبته مني اخذتها كل رمضان لما جاء اخر يومين من رمضان تركتها وماعاد اخذتها عشان تنزل وفعلا نزلت علي ٢شوال استمرت ٢٥يوم تقريبا ووقفت بعدها شهر ١١ ذوالقعده وشهر ١٢ ذو الحجه مانزلت علي ابدا قلت للدكتوره قالت طبيعي
بعدها بيوم ١٦ محرم نزلت علي فرحت قلت ان شاء الله بتنتظم لكن صارت اول الايام قليله وانقطعت يومين ورجعت جاء شهر ٢ وهي كذا تجي وتنقطع ماأنقطعت مني وكانت قويه لما صار لي فيها اكثر من شهر رحت للمستوصف وسوت سونار لي قالت فيه اكياس وتكيس وهرمون الحليب والغده يعني ماخلت شي ماقالت فيني مارتحت لها ورحت مستشفى حكومي قوى الامن في الرياض سوت لي سونار وتحاليل قالت التحاليل سليمه والسونار فيك ورم ليفي بسيط واخذت مسحه من عنق الرحم وقالت بس نبي نعرف هل الدم من الورم او لا وعطتني موعد في شهر ٥ وانا رايحه لها في شهر ٢صفر يعني الموعد بعد شهرين وباقي الحين شهر عليه..
اخواتي فيه الام شديده أسفل بطني وان جتني هالالام تنزل معي قطع دم متجلط الله يكرمكم والله تخوفني كل شوي تنزل مختلفة الاحجام..
المشكله مستشفى ااحكومي قالوا سبب والمستوصف
قالوا سبب آخر وانا مدري ايهم الصدق وتعبت والان شهر ٤ والدم ماأنقطع الا ٣ ايام ورجع ومعه هالقطع
الله يكرمكم وانا قلقه ومتوتره ومتضايقه مدري وش السالفه مع العلم دورتي كانت منتظمه وعندي اطفال ولله الحمد.
الحكومي عطوني حبوب للتخفيف الدم اخذتها مرتين وتركتها سببت لي صداع وحكه في جسمي.
اخواتي اللي عندها خبره تعلمني الله يجزاكم خير
لان جدا تعبت ونفسيتي جدا تعبانه