اخواتي 00 أبغى شوركم

السلام عليكم
اخواتي مالي الاالله ثم انتم ابي استشيركم في امر
طبعا انا بسافرللسعودية بعد شهرين تقريبا (عقبال الجميع ان شاء الله )

وطبعا ما حنا ماخذين كونتنير ولا شي <<< مدري اسمه صح ولا لأ ترى والله ما عرفته الا منكم وسبحان الله الواحد مايعرف الشي الا اذا احتاج له

المهم

واحنا 4 نفر<<< هنود 0000 طبعا البنت الصغيره :04: ماهي محسوبه لأن مالها مقعد
يعني الباقي 3 أشخاص <<< حشى درس رياضيات

<<<< اخلصي عطينا الزبده :mad:

طيب طيب :29:

وكل شخص له قطعتين سواء شنطه او كرتون او المهم شي ينشال وبس
وطبعا كل قطعه لازم وزنها مايتعدى 35 كيلو

وطبعا الهدايا ما خذه نصف الشناط اما كان ثلاثة ارباع بعد
وتعرفون شناطهم مافيها احجام كبيره زي اللي في السعوديه يعني لازم نحاول نقلل من اغراضنا على قدر المستطاع

وانا يا اختكم ابغى اخذ لي مفرش وبعض الناس:arb: راااااااافض :30:

يقول المفارش بتلقينها في السعوديه قلت ما يمكن القى زي مفارشهم وهناك المفارش أغلى

قال المفرش بيحسبونه قطعه لحاله يعني بتروح علينا قطعه بسبته ولا فيه ذاك الوزن بعد

يوم شافني كل شوي اطن واحن :06: على ذا المفرش

قال شوفي يا بنت الحلال اذا بقى معنا قطعه زيادة ناخذ بها أجهزه من هنا احسن
سواء اكترونيات او اجهزة مطبخ نستفيد منها هناك احسن من المفرش

يوم قال لي ذا الكلام كني اقتنعت شوي :27:

بس بعد ابغى مشورتكم يعني ارضخ <<< اشتغلت اللغه العربيه

اوافق على كلامه وناخذ اجهزه ولا استمر في الحن والطن :06:على المفرش

يعني هل مفارشهم ما تعوض ولا اشتري لي من السعوديه وبس
اللي شافوا المفارش على الطبيعه لأني بصراحه ماشفتها الا في الكتالوجات بس


كل وحده تحط نفسها مكاني وتقول وش تسوي تاخذ مفرش ولا أجهزه
وكأني متاكده انكم بتقولون خذي أجهزه <<< يوم انك داريه وش بنقول ليش صاجتنا ولاجتنا :mad:


بس ودي اشوف آرآئكم

وسلامتكم

يمكن ما اقدر ارد عليكم ذا اليومين ( مسافره )