اخوات الزوج الي كل شي يعلقون عليه كانهم مايغلطوون ابد

قبل مره كتبت لكم اخوات زوجي غريبات مدري وش حركاتهم الي سووها وش يقصدوون فيها
وقلتو لي لاتروحين الا بعزيمه طبعا زوجي يقول مالك دخل في احد اذا جيتي سوي الي تبين والي تكلم عليك ردي عليها ليش تسكتين ويقارني بمرت اخوه يقول شوفيها ماعندها في احد يتكلمون عليها تتكلم عليهم هذي مرت اخوه انا تعجبني شخصيتها صح بس هي كبيره حول اخواته وانا. اصغر بكثير ماقدر اسوي مثلها مستحيل قلت له تقارني بوحده كبر امي ماقدر اسوي مثلها انا لي شخصيتي وهي لها شخصيتها قال طيب اجل لاتتضايقين اذا احد تكلم عليك ولاخذتي حقك اي احد يتكلم عليك خذي حقك مثل ماتكلم لاتنتظريني وتقولين لي لاني ماراح اسوي شي
انا مابيه يسوي شي بس كذا اقوله وصح الرجال مايحب الفضفضه بس شسوي ماحب اقول هالاشياء لاخواتي المهم قررت ماعد اقوووووله شي وقررت اطنش لاني بصراحه حتى لو قررت ارد علي اي احد تكلم. في وقتها اسكت مووو خوف بس احس هذي كبيره كيف ارد عليها بياخذون فكره عني يعني تخيلو وحده كبر امكم تتكلمون عليها ماقدرت بصراحه
بس نفس الوقت شايله هم اذا اجتمعنا معهم لان في مناسبه الاسبوع هذا ان شاء الله والكل بيجي
وخايفه تتكرر المواقف والتنغزيات لاني مليت بصراااحه شرايكم ارد وبس ولا استمر على موقفي اسكت واطنشهم




مشكلتهمكل شي يعلقون عليه حتى لبس عيالي وحتى طريقه اكلهم وحتى اكلي احيانا يعلقون ويكررون مواقف صارت لزوجي مع بناتهم دايما يكررونها
مثل موقف كل ماشافتني تقوله تقول فلان تقصد زوجي من يومه صغير وهو يحب بنتي يموت فيهااا وذاك اليوم صار كذا وكذا والله تكررره كل ماشافتني يمكن نست مرتين او ثلاث ماقالته مدري شفيها ع انه موقف عادي طيب واذا حيها عادي بنت اخته ويحبها وش صار ولايبين علي شي اقول اي ماشاء الله بنتك تنحب الله يخليها لك وكم مره اعيد نفس الرد وهي تعيد مدري وش تبيني اقول معقوله تنسى انها قالت لي الموقف مستيحل لان يمكن ثلاثين مره قالته استغفر الله
وبنتها هذي الحين كبرت وعندها عيال وانا وياها صديقات يعني مع بعض اعمارنا نفس بعض بسس للحين مدري ليش معلقه على الموقف الله يعين


وهذا طبعا خلا وحده من سلايفي الي هي اكبرهم تتجرا وتتكلم علي او بمعنى اصح تعلق على كل شي وكاني ماعرف


الله يسعد كل من ترد رد طيب وجعلها تتحقق لها كل امانيها