اخوات حملوا قريب من بعض .. ادخلوا بليز وعطوني ردودكم

السلام عليكم
بدخل فالموضوع على طول والله اني سجلت عضوية
بس عشان اكتب لكم من الضيقة اللي فيني ولا اقدر اقول لاحد
لي سنين اقرا ف عالم حوا واحبه .. المهم

توني قفلت مكالمة مع ماما و اختي الله يتمم لها يارب الحين حامل يمكن ف شهر ونص .. وانا متاخرة علي الدورة ولا قد حللت ولا شي والله اعلم في شي ولالا .. وقت قلت لماما ان الدورة متأخرة تضايقت وقفلت المكالمه بعدين رجعت اتصلت وقالت يابنتي حللي فاقرب وقت وعسى مافي شي لان مابغى الناس ياكلوني ويقولون بناتك جابوا مع بعض او انشغل فيكم وقت النفاس ( لان انا بمنطقة واهلي واختي بمنطقة سوا بيينا سفر .. ) ف تضايقت كثير لانه رزق من الله ان كان في شي .. انا اصلاً متضايقة من تاخر الدورة وخايفة وهونت على نفسي قلت ان صار حمل فهو رزق وخير ومجرد كلمت ماما تضايقت دبل .. ادري مانيتها ازعل بس والله تضايقت ولا وضحت لدرجة قلت اي ان شاء الله مافي شي ، من ورى قلبي

احد فيكم او تعرفون احد حملت هي واختها قريب من بعض ؟ بعدين ذا رزق وشي الواحد احياناً مايختاره اعوذ بالله من شر الحسد او كلام الناس .. حتى حماس التحليل راح صرت خايفة بس .