اخوات زوجي كسروني؟!😢💔

السلام عليكم ورحمة الله
مساء الخير
جالسه اكتب لكم وانا قلبي مكسور💔
ببداء لكم من البدايه
انا تزوجت ولد عمتي وانبسطت كثير لانو معها بنات في
عمري وعشت طفولتي معهم بس علاقتي معهم من صغري
رسميه يعني نتقابل اوقات العزايم بس
المهم قلت حلو فرصه تزوجت اخوهم وعلاقتي بتقوى
معهم اكثر وعاد ساكنين في بيت واحد يعني احلى واحلى
وجاء اليوم الي تزوجت فيه
وانا متشوقه لجمعتهم ولمتهم
نظامي اجي ازور عمتي وعمي والبنات في الاسبوع مرتين
او مره واجيب معي حلى او فطاير او اكل
الي لاحظته اني كل مره اجي ازورهم ما الاقي البنات !؟
بس عمي وعمتي ؟!
اذا سالت عمتي عن البنات تقول نايمين او يذاكرون ...الخ
كل مره تطلعلي عذر !
واعذرهم واقولها تسلملي عليهم
ادعيهم عندي في بيتي اذا عزمت مره يحضرون ومره لا
واعذرهم
ودايم اذا طلبت زوجي يمشيني اطلبه ياخذهم معنا بس يرفض ؟!
وادور لسعادتهم ابغى امون عليهم اعتبرهم مثل اخواتي
مرة الايام وقابلت وحده من قرايبنا في عمري انا وياهم
وتعرفهم اكثر مني قالت لي اعلمك سر
تري زوجك يكرهونه اخواته ولا رضيو يزوجونه صديقاتهم
ويقولون الله يعين زوجته عليه 💔😧
هذي اول صدمه ؟! يعني انا رضيو يوافقون علي عادي عندهم؟! ليش ايش سويت لهم ؟!
عديتها لهم وعذراهم قلت اهم شئ اني مرتاحه معه واحبه ماعلي من كلامهم
حضرنا احنا وعماتي في استراحه ولاحظت انهم مسوين حفله لبنت عمي الي في عمرنا وانا اخر من يعلم
(مع الملاحظه انو كلنا في اعمار بعض ونجلس مع بعض)
ولا دعوني اجي معهم !؟
مخليني مع الحريم
وصارت هذي عادتهم في اي عزيمه يجلسون مع بعض ولا يكلموني يعتبروني جدار
لين جاء اليوم الي خلاص وصلت معي وارتفع ضغطي
اليوم جاني زوجي كان عند اهله مستغرب!؟
قال غريب اخواتي عازمين البنات مادعوك معهم؟
قلت لا؟!
رحت اشيك على الجوال ولا رساله
متخيلين اننا في بيت واحد
وعازمين كل بنات عماتي حتى بعضهم متزواجت
وانا ساحبين علي 💔ولا
واحنا كنا مع بعض من واحنا صغار
فجاه اول ما تزوجت سحبو علي؟!
والله والله والله
يابنات اني طيبه معهم لاقصى درجه ولا بيني وبينهم شئ!؟
دايمن كنت مسالمه معهم!؟
ابغى اعرف ليييييش؟ يسون معي كذا!؟؟؟
انا ايش سويت لهم ؟!
ليش يتمنون لي الشر ؟!
والله رغم كل الي سووه اني ادعي لهم وادعي لي انو يسعدنا سوا
لانو خلاص انا زوجت خوهم حياتنا مرتبطه سوا
ولا ابغى اكون خبيثه معهم واغير اسلوبي معهم
تكفوووون ايش الحل ؟!
جد كسروني مووووت💔😢