اخوات زوجي ... والاجازات ...

هذه المشكلة لوحدة من زميلاتي قالت لي تكفين اكتبيها في منتدى حواء يمكن يساعدوني في الحل ( لأنها ماعندها أنترنت ) مشكلتها خوات زوجها هي ساكنة مع زوجها في مدينة غير المدينة التي يعيشون فيها وهم ثلاث متزوجات وامهم وابوهم ميتين من زمان وفي اجازات العيد والأجازات الصيفية يجون للمدينة التي يسكن فيها أخوهم ويسكنون معهم في المنزل ولايستأجرون شقة مفروشة وكل واحدة معاها عيالها وزميلتي متعودة في الأجازات تسافر عند أهلها لأنهم في مدينة أخرى وهم يقعدون في بيتها وهي مسافرة ولاموجودة ويوم تجى من السفر تلقى بيتها معدوم ووسخ وكذلك يستقبلون أقاربهم في بيتها وزوجها حتى غرفة نوم مايخليها تقفلهاومو بس كذا زوجها يصرف عليهم طول مدة وجودهم عنده يعني غدا وعشاء وفطور من المطعم مع أن حالتهم المادية جداً ممتازه. وزوجها لايتقبل الكلام في هذا الموضوع نهائياً ويوم تتناقش معه وتقول ماعاد أبغى خواتك يسكنون في بيتي يزعل ويعصب ويخرج من البيت والصراحة هي صارت نفسيتها تعبانة مره منهم وماهي عارفة وش تسوى معهم وخاصة انها هي وزوجها قاعدين يبنون فله جديدة وبينتقلون فيها يمكن بعد سنة واليوم قالت لي أكتبي مشكلتي في منتديات حواء يمكن يساعدوني ويلقون لي حل يخلصني من خوات زوجي من غير مشاكل مع زوجي الرجاء منكن الأستعجال في الرد