اخوات لكم يبغون مساعدتكم ودعواتكم تكفون لاتبخلون عليهم

السلام عليكم ورحمة الله وبركاته ..
والله مادري وش اكتب وشلون ابدا لاني اول مره اكتب في هذا القسم وكمان اتكلم عن مشكله حاصله لناس اعرفهم وقريبين مني
ياليت اللي سمع مثل هذي القصه او مرت عليه ياليت يساعدنا ويخدمنا واللي ما عنده حل لايحرمنا من دعواته في ظهر الغيب لانكم عارفين دعوة المسلم لاخيه في ظهر الغيب مستجابه :27:
السالفه ومافيها ان هذي العائله مكونه من ست بنات وخمس اولاد ماشالله الله يبارك فيهم والبنات ملتزمات واخلاقهم زينه ويلبسون عباياتهم على الراس الله يثبتهم وكمان متعلمات ومتوظفات ماشاالله عليهم,.,
بتستغربون كلامي عن البنات بس ودي اوضح لان السالفه تخصهم ...
من فتره يعني من سنه تقريبا لاحظو ان ملابسهم الداخليه وانتم بكرامه تختفي يعني ينزلونها في سلة الغسيل وبعدين مايلقونها وتغيب يمكن اسبوع واحيانا اكثر وترجع وهي متسخه وبالذات اللملابس اللي لونها احمر وكل مال الحاله تتطور راحو لاكثر من شيخ وحكوله القصه واستغرب ونص المشايخ يقولون تلاعب من الجن والعياذ بالله وهم مستمرين على قراءة الاذكار والمعوذات وسورة البقره والمشكله ان هذي القصه ماصارت الا للبنات يعني الاولاد والام والاب الحمدلله ماصارلهم شي وهم صارو يغسلون ملابسهم على طول ويذكرون اسم الله، وصار يختفي نصها
واليوم صار شي يخوف لقو نفس الملابس واؤكد الداخليه مقصوصه من مكان معين والقصه واحده وبنفس الشكل وبدقه وكانها قصة مقص وهم مررره خايفين لاتطور الحاله :(
وسوالي هو هل بامكان الجن فعل هذا الشي لانهم متاكدين ان بيتهم مايدخله احد غريب والخادمه ماجت الا بعد هذي السالفه
وكمان هل يستطيعون الاعتداء على الانسان سواء جسديا او جنسيا(اسمحولي بهذي الكلمه)
وهل باستطاعة الجن انها تخطف الانسان لاني قد سمعت كذا بس ماني متاكده ومابغيت اخوفهم
تكفووون ردو علينا وساعدونا لان الموضوع يخوف ولاتنسونهم من دعواتكم الصادقه ان الله يفرج كربهم ويعينهم