Rehamy :

ياعمري بتكلم معك من واقع تجربة بما اني مازلت الى الان في المحاكم بخصوص قضايا كثيرة للنفقة ،، انا رحت للمحكمة بعد طلاق دام سنوات طويلة وكان مايصرف الا بالقطارة كل ثلاث اربع شهور يرمي الف والا الفين كنه يتصدق على عياله مع انه مقتدر جدا ، وماتجي الا بعد اتصالات ورسائل وترجي علما انه حتى زيارات ماكانو يشوفونه الا كل سنتين ثلاث مره وحده وع الطاير ولما طفح الكيل فيني وكبروا العيال وزادت المصاريف رغم اني موظفة الحمدلله قررت اروح المحكمة . طبعا تقديم طلب النفقة يتم عن طريق موقع وزارة العدل تختارين نوع المحكمة ( محكمة الاحوال الشخصية ) طبعا تختارين المحكمة اللي في مدينتك وتختارين نوع الدعوى ( دعوى نفقة ) وتكملين البيانات ، أو تروحين للمحكمة مباشرة يكون معك صك طلاقك وشهادات ميلاد عيالك وبطاقة الاحوال حقتك والقسم النسائي يعبون بياناتك . طليقي لانه بخيل جدا ماطل مع الشيخ ورفض يدفع لي المبلغ اللي كنت ابغاه لكل طفل ، انا عندي اثنين كنت طالبة الف ريال لكل واحد وطليقي كان مصر على 500 وبعدين قال 750 ولا ريال زياده وقال له الشيخ راتبك يكفي قال لا ماعندي امكانية عندي بيت ثاني وعيال وعيال من طليقة ثانية ومع الشيل والحط رفض طليقي حكم الشيخ وقال يبغى هيئة الخبراء وحولونا على هيئة الخبراء وبعد الشيل والحط حكمت هيئة الخبراء ب 900 ريال لكل طفل و 700 لكل طفل في الاعياد يعني شهريا ( 1800 ) وفي كل عيد يستقطعون زيادة من راتبه ( 1400 ) ريال ، بعدها رفعت عليه نفقة ماضية بمعنى تعويض يدفعه لي عن كل السنوات اللي ماكان فيها يحول لي مصروف عيالي ، والى الان انا معه فيها في المحكمه وطلب الشيخ الحوالات البنكية كامله وقاعد طليقي يماطل بكل جلسة ان الحساب غلط والشيخ طبعا مايحسب بنفسه يبينا احنا نجيب الكشوفات متطابقة وحسبي الله ونعم الوكيل على طليقي بكل جلسة يدعي ان الحسابات غير وانه ماعرف وانه عطاني كاش وعطى امي حسبي الله عليه بس ، كان يقول هي موظفة ليه ماتنفق على بناتها قال الشيخ مالي شغل فيها في الشرع انت اللي تصرف ع العيال ، و مازلنا بالقضية هذي في المحكمه ولن اتوقف بإذن الله حتى اخذ حقي كاملا ، وناوية بعدها ارفع دعوى ( نفقة سكن ) وهذي تحتاج صك طلاقك وصك حضانة عيالك وصورة من عقد ايجار البيت ، غالبا لا تتعدى نفقة السكن 500 ريال ، لكن تأدي غرض ، وبعض االشيوخ يحكمون عليه يستأجر لهم بيت ويلتزم الكهرباء والماء لكن قليل وبعض الشيوخ يلزم الزوج بنفقة مواصلات لمداس العيال فوق النفقة الشهرية ، فإنتي وحضك بالشيخ اللي تطيحين فيه ، وعساك تطيحين في شيخ احسن من اللي معي لانه بهذلني وهو يساير طليقي في المماطلة لكن حسبي الله ونعم الوكيل . بعد نفقة السكن ناوية ارفع عليه نفقة العدة ، وهذي تعويض عن 3 شهور العدة حقتي بعد الطلاق لانه ما صرف علي فيها ريال ولا كان يحول لي اهم شي كوني ملمة بكل حقوقك وطالبي بكل شي يحق لعيالك ولك ولاتخلين حقك وان طالت المدة لان الحمد لله ربي سبحانه حفظ حقوقنا والدولة سهلت لنا كل شي تحتاجين تقوين قلبك وتشدين حيلك ولا تترددين ولا تتنازلين وربي يسهل لك امورك يارب .

ياعمري بتكلم معك من واقع تجربة بما اني مازلت الى الان في المحاكم بخصوص قضايا كثيرة للنفقة ،، انا...