اخواني عاااقين ب امي وش اسوووي معهم

السلام عليكم
خواتي اتمنى منكم تساعدوني
المشكله امي كبيره بالسن وعندها السكر والضغط وماتقدر تتحرك من رجلينه
وعندي اخوان اثنين دايم يهاوشون امي وكل ماتصير معاهم مشكله يحطون الحره فيهاا وامي شخصيتها جداا جداا ضعيفه
والله انها تبي مقاضي من السوق ولا تقدر تطلبهم مايطيعونه المستشفى عليها بالحسره
التلفزيون حقها خربان من ست شهور والمكيف صار له سنه ماصلحوه له
اخوي الكبير لماتصير معه مشاكل مع حرمته يتصل على امي ويهوشها انتي خطبتيها انتي ورطتيني وحرمته ماحملت ويقول انتي خطبتي لي اللي ماتحمل
واخوي الصغير لما يخطب من احد ويرفضونه يهاوش امي انتي السبب ودايم يتلفظ عليها وياخذ راتبها والضمان حقهاا والمقطوعه السنويه اللي تجي من الضمان ولما تجي تبي تقدم شغاله مايعطيها شي ويقول خلي البنات يقطن لك وهو موظف ومو محتاج وراتبه ممتاز وجالس يبني بيت وعمره 25 ويدعي الفقر وفلوسه وااااجد
الكبير ماياخذ منها شي واذا طلبته يعطيهاا بس مشكلته لازعل حط الحره فيها ولا يقضي مشاويرها
انا ساكنه بديره بعيده عنها وكل يوم تتصل تشكي منهم والله انها قطعت قلبي
ولما اتكلم مع اخواني يجلسون يهاوشوني انتي وانتي ووووووو 
وش الحل تعبت تعبت