اخواني من الاب ارجو منكم الدخول ....

مرحباااااا الساااااااااع


بدش بالموضوع على طول وابي منكم حل


خواتي انا عندي اخوات واخوان اصغر مني من الاب

المهم ابويه يدلعهم وايد وايد وكل اوامرهم منفذه وطبعا انا لا مقصر معايه من كل النواحي بس انا صابره ومتحمله وانتظر فرج ربي لي دعواتكم بس


المهم اخواني الصغار وخواتي مايعرفوني الا وقت المصالح اني ادرسهم ولا اطلع لهم تقارير من النت ولا اني اكتب لهم بحث على ايدي لن ماشي طابعه

والله ياخواتي اني كنت اكتب بحث كامل على ايدي وياخذوه وينكرون المعروف حتى امهم

على طول حاقده عليه وناكره المعروف واذا قصرت مع عيالها شويه خلاص تقول غرشوبه عمرها ماساعدت عيالي :mad:

كل هذا لني قصرت شويه

مرات خواتي الصغار يجيون يغيظوني ابويه شو مشتري لهم من ملابس جديده وهدايا وكذي

وانا اسكت واكتم بخاطري لني بعمرهم ماتدلعت جي حتى الحين وانا كبيره ابويه مايسوي معاي مثلهم

اخواني الكبار كلهم متزوجين الا انا اللي عايشه معاهم هني عشان جي خاطري اتزوج شرات اخواني واطلع من بيت ابويه



المهم خواتي

انا مب عارفه كيف اتعامل معاهم لنهم مصالح من الدرجه الاولى واذا عطيتيهم وجه يلصقون فيج مرات احاول احببهم فيا بس لمما اقعد معاهم يغثوني بالمغايظ يقولون ابويه جاب لنا ابويه عمل لنا ابويه مادري شنو كأنه هذا مب ابويه شرات ماهو ابوهم

وابويه عادي عنده مايقولهم عيب ولا شي

حتى مرات لما ادرسهم اقول يارب اعتبره صدقه عني بس بعد انقهر من مصالحهم معايه


ماعرف كيف اتعامل وياهم وماعرف كيف اتفادى غياظهم ليا


ماعرف لما يقولولي درسينا ولا عملي لنا تقارير وبحوث هل اعملهم ولا لا؟؟؟


وماعرف كيف اقدر احببهم فيا ؟؟؟ بس لن كل ما اقعد معاهم يغثوني


هم اعمارهم لين 12 سنه


بس من كثر ما امهم نمت بقلبهم الكره والحقد صارو جي


حتى انها مرات تمنعهم يجون عندنا واذا جم يقعدون ابويه سوالنا وابويه اشترالنا وانا اتم ساكته احس عقولهم كبيره ماعرف كيف افهمكم



اتمنى انكم تساعدوني بالافكار والنصايح


وهل اني اي عمل اسويه وياهم اقول صدقه عني وهل صدق الله يقبلها ك صدقه عني ؟؟؟


حتى ابويه اللي هو مقصر معايه صرت اروح معاه المستشفى مواعيده واقول مهما صار هذا ابويه



بنتظاركم خواتي