اخواني وامي

يا بنات والله ان نفسيتي تعبانة على امي .امي عايشة لحالها مع شغالتها في نفس المنطقة اللي انا فيها وانا ما عمري انقطعت عنها دائما اروح لها والحمد لله هي لسا بصحتها ومو محتاجة لاحد . بس ام ونفسها تحس بقيمتها عند اولادها . انا الحمد لله كل اخواني متزوجين بس اخواني اللي في مناطق قريبة من امي عمرهم ما جو عيدو عندها . كل سنة تعيد لحالها وانا اروح لها يوم العيد في العصر لاني في الصباح مع زوجي واهلة بس برضه تعتبر لحالها وطعم العيد يكون في نهار العيد مو في العصر . وهذي السنة بيجون يعيدون عندها هم وزوجاتهم بس موعشان امي عشان ارحامهم يعني اهل زوجاتهم اول سنة يعيدون هنا وهم في نفس المنطقة اللي امي فيها . وجايين عشان زوجاتهم واهالي زوجاتهم وعشان هم كمان كل سنة يعيدون عند ارحامهم وجو هذا العيد عشان ما يغيرون عادة كل سنة . وامي مسكينة مصدقة انهم جايين عشانها . ولو اني حاسة من جوايه انها فاهمة بس ماتبغى توضح عشان لايزعلون منها هم وزوجاتهم .يعني فوق سواياهم جالسة تحسب حساب زعلهم هم وزوجاتهم . وزوجاتهم مرة قليلات ادب معاها وما يحترموها . اش اسوي ادعي عليهم وعلى ذريتهم . انا حاسة اني ما ابغى اشوفهم ولا اشوف زوجاتهم . وناوية اروح اعيد على امي وما احط وجهي في وجة اي احد فيهم . لاهم ولا زوجاتهم بس كمان خايفة امي تزعل مني لانها ما ترضا فيهم رغم كل عقوقهم .
قلولي اش اسوي او كيف اخفف على نفسي وعلى امي الاحساس بالقهر منهم .وكيف نقدر نعيش وقتنا بدون ما نفكر في سواياهم .
الله يجزاكم خير .