الله يرزقكم من واسع فضله امين وكل مسلم
اذا تقدرين اجمعيهم بقروب بالواتس وخليك كاتبة الموضوع كامل اول وانسخيه والصقيه بالتفصيل
قولي يعني ماتحسون فينا وشلون انتم تدرون وش يدخلنا من مدخول شهري
واستخيري قبل بعد الواحد مايبي المشاكل ولا زعل امك

لا بارك فيهم من اخوان .

خلاص انتي كلمي اخوانك انهم يساعدونكم ..اما كل اسبوع عندكم ويعرفون حالتكم على قدكم..المفرووض يخصصون كل شهر ٥٠٠كل واحد فيهم لامك ..الله يعينكم ويفرج همكم ..وانتوا كملوا تعليمكم حتى تتوظفوا الاخوان كذا مالهم نفعه فلوسهم لحريمهم وعيالهم وزين اذا تذكروا امهم..

خل امك تكلمهم
الكلام لاطلع منك بتصير ثقيلة
او انك تتكلمي مع اخوك اللي يعطيكم مصروف
قوليله انت ماقصرت وتعطينا بس كلم اخواني الباقي
انهم يعطو امي مصروف شهريا
لو كل واحد ٥٠٠ بتصير الفين في الشهر كويسة
ومعليش وفرو في المقاضي
مو ملزومين باخوانك اللي يجو يتغدو ويتعشو
اشترو الي تحتاجوه انتو مو اللي بتطبخوه لهم

عندنا المفروض الولد بس يتوظف وحتى قبل يتزوج لازم يمشي لامه مصروف لو 500 ريال
واعرف حريم كبار كثير كذا ويزيد المبلغ طبعا كلما زادت مرتبته وقلت مصاريفه وبكذا يتعود وهذا اقل بر فيها
اجلسي مع اخوك هذا اللي يعطيكم وتكلمي معه وقولي له يكلم اخوانك يدفعون للبيت او لامك مبلغ شهري واذا رواتبهم حلوه يعطونها 1000 واذا ما يقدرون 500 بس ينزل الراتب
ويفهمهم ان هذا من البر فيها وحق من حقوقها عليهم وعشان يتبارك الراتب ويشوفون بر ذريتهم
واذا رفض اخوك انت كلميهم وهذا الشي ابدا ما يزعل لا تقولين اشتروا لنا وكذا لا
يعطون الوالدة شهريا مبلغ وبس
واذا انتم ما تدرسون حاولوا تدبرون لانفسكم شغله بسيطة تساعدكم لو وسيطة مواقع من البيت او تبيعون في الاسر المنتجة مو لازم كل يوم بالاسبوع يكفي يومين اخر الاسبوع الخميس والجمعة