اخوان زوجي شيشوا زوجي علي بسبب بنتي

السلام عليكم يالغاليااااات

هلا وغلا فيكم ....

الحل تكفوووون ابي مساعدتكم الله لا يحرمكم العتق من النار بهذا الشهر ..

انا بنتي الصغيرة طلبتها مني امي بس شهر رمضان لان بناتي ورا بعض وراح اتعب اكثر معهن وماراح اقدر للمطبخ وغير كذا راح يجتمعون اهل زوجي من اليوم عندي كلهم وماراح اقدر اكون فاضيه لها وهي متعوده على الشيل ماتبيك تجلسينها ابد وبالمووووت اقنعت زوجي بس الشهر هذا ووافق واقتنع وقبل امس كان الفطور عند اخوه ومكلمينه اخوانه ليه تارك البنت عند اهل امها ومن هالكلام ومعبين راسه ومشيشينه علي ومن طلعنا من عندهم معصب ويهاوش علي عشان البنت واللي قهرني كلمته يقولي : اخواني كلهم يهاوشون ويقولون تارك بنتك ببيت غريب عنها انا هنا عصبت بقوه وش قصدهم ببيت غريب عنها ( واعطيته كم كلمه وش زينها على كلمتهن ببيت غريب عنها قالوا ) وامس كله معصب وانا مطنشته ولا جايني امس على اذان العصر يقول اشوف ما استعديتي مو اليوم جمعتكم ببيت اهلك انا رفضت اروح لاهلي لاني عارفه مو لله يذكرني بجمعتهم ناوي يحرجني عند اهلي وقدامهم عشان ياخذ البنت فاهمة قصدة وإلا بالعادة يالله يوافق اروح لهم وانا رايحة الاسبوع اللي راح

واهلي ماحرموه من بنته كل ما اشتاق لها رحنا لهم يشوفها وغير كذا اي واحد من اخواني او خواتي بيجي لي يسير علي جاب بنتي لي اشوفها واحيانا بالاسبوع اربع مرات اشوفها كل من مر علي اثرها معه واهلي ماقصروا معها ابد ومدلعينها لدرجه ان امي تقولي مستحيل يدخل ابوك للبيت الا وكيسه الحلاو معه لبنتي وامس بعد المغرب تقول امي وهو جالس معنا فجئه قام ودخل الغرفه وطلع من البيت ويوم رجع اثره ماخذ علبه حليبها وكيسه الحفايظ الله يكرمكم عشان يجيب زيها وهن ماخلصن يقول اخاف تحتاجونهن وما اكون بالبيت ويرفض اي واحد من اخواني يجيب لها اغراضها يجيبهن هو يقول علموني وانا اجيبهن وغير كذا شاري لها فستان العيد ومتصل علي فرحان يقول فستان العيد لبنتك لا تشترينه انا جايبه لها ومعه اغراضه كامله الله يجزاه الخير ولا يحرمنا منه

بنات اعطوني ارائكم كيف اقنعه وافهمه زين وماعاد يناقش معي الموضوع مرة ثانيه و كيف يرد على اخوانه اذا فتحوا معه الموضوع او انا كيف ارد على حريمهم ويوصلون الكلام لرجالهن انا زوجي بالموت اقنعه واذا اقنعته جوا اخوانه وحاسوه يسمع لهم ما يفهمهم وجه نظره لانهن من اليوم الى بعد العيد راح يجتمعون عندي فلازم اكلمه قبل العصر ويجون ويشيشونه زيادة علي ابيه يقتنع وهذا ما بعد جت امه من مكه وصارت سالفه اجل لا جت بتقوم ببيتي حرب داحس والغبرا مو حب لبنتي بالعكس تكرهها بس عشانها عند اهلي ومن حينها وتكرهه اهلي ومدري وش تتسوي اذا درت انها عندهم