اخواي الصغير والعاب البنات

السلام عليكم


بنات انا اليوم ابغاكم في استشارة

عندي اخوايه الصغير 3 سنوات اكثر شي يحبة العرايس باربي و فلة و الحاجات البناتية يلبس جزمة ماما و يتمشى فيها

رغم ان عنده العاب اشكال و الوان

مثلا امس رحنا محل العاب و اشياء خاصة بالاطفال ساب المحل كلة و اتسمر قدام فله و باربي


و المشكلة انه الاخ الصغير يعني احنا كلنا كبار في البيت اخويه الي اكبر منه عمر 21 سنة

يعني فرق

وما في اطفال في العيله و ابوه شغلة في منطقه بعيدة يشوفة اربع مرات في الشهر


يعني محتك بامي و اختي الي في البيت اكثر شي

وانا متزوجة و الان حامل و طلع حمل بنت فا خايفة انه وجود بنوته صغيرة في الاسرة يخلق جو من الغيره
و اخاف انه يطلب يقلدها في اي شي


ياريت تعطونا مقتراحاتكم كيف نتعامل معاه لانه كل ما قلنا له عيب حق بنات وانت رجال نحس انه يزيد يتعلق باشياء البنات