اخوتى ممكن تساعــــــــــــدونى؟؟؟؟

عزيزتي عندك اللون الأسود يعطي رشاقه خاصه من منطقة الخصر

ويعطي طول

اما بالنسبه لماسكة العروس لأن اختك قصير ه فلازم تختار ماسكه صغيره عشان تبين اطول

اتمنى اكون ساعدتك ولو بشي بسيط

وربي يوفق اختك وعقبالك ان شاء الله

مشكورة حبيبتى على المساعده واللة يجزاك خيــــــــــــــــــــــــــر.....

مرحبا ا ختي

في موديل منتشر عندنا حاليا في الامارات وهو اسمة الثوب البشت
بما ان اختج عروس لازم الثوب يكون لونه مثل البيج الفاااااااتح الخفيف المذهب او الكريمي ... نفس بشوت الرياييل فيه منه الاسود وفيه منه البني وفيه منه البيج المذهب الي هو احلى لون

بالنسبة للثوب: يكون من قطعتين تكون القطعة الي فوق شيفون باللون الكريمي (بس لازم يكون شبيه بقماش البشت) والقطعة الي تحت حرير طبيعي ويكون لونه كريمي...

الموديل يكون كله من خيوط البشت الذهبي ... وتكون القطعة الخارجية مطرزة زي البشت باللون الذهبي ... اما الكندور وهي القطعة الداخلية ... تكون اكمامها مخورة (يعني مطرزة) بخيوط البشت ...ونفس الشي عند الرقبة.


يوم الحفلة تلبس هالثوب ... مع حزام ذهب ... وكل الذهب الي يمشي مع هذا الفستان ..يعني الذهب القديم. مثل المرتعشة والصحن وغيره وغيره .. يعني يكون الذهب من راسها لين خصرها.

أما المسكة بتكون من ورود الجوري البيج ... وبتكون ملفوفة بخيوط ذهبية من نفس خيوط البشت.........

وهذا الموديل يمشي على الكل شواء بيضة ولا سمرة .. سواء طويلة ولا قصيرة

وبتكون اختج جنان ................

بصراحة هذا الثوب جدا فخم لانه كله ذهبي ... ويعطي للي لابستنه فخامة اكثر.
حتى تقدرون تخلون الحفلة فيها طابع قديم ..بس يكون حلوو

تحياتي

مشكورين على الردووود ولكم منى اجمــــــــــــــــــل تحيه..........

بس البت خصرها مليان شوي

و الألوان الغامقه بتعطيها رشاقه

واذا كانت اختها من الأسمر الفاتح وليس الغامق بيطلع الأسود حلو عليها

والألوان الفاتحه بتكبر الخصر

والماسكه لازم تكون قصيره مش طويله لأن البنت قصيره

وبراحتك اختي انت اللي تقرري