اخوتي يهملون في اداء الصلاه ..

معليش بنات سويت الموضوع مرتين لأني حتى الحين مأعرف أزين نص
:24:

ادعي لهم بالهداية ولازم تنصحينهم خليك وراهم لاتخجلين من الحق وهذا من مصلجتهم ولازم الوالد والوالدة ينصحونهم اكثر ويدعون لهم

حياك الله اختي الحبيبه ..

حاولي معهم باسلوب الناصح .. عطيهم بعض القصاصات او المطويات عن اهمية الصلاه والمداومه عليها في المسجد ... ايضا الاشرطه الاسلاميه شغليها في وجودهم عن اهمية الصلاه ..


لتحاول امك معهم ... واباك عليه دور مهم حاولوا تنبهونه الى نصحهم والاهتمام باصطحابهم معه وعدم تركهم ...

اختي ذكرتيني بوحدة مرة قريت قصتها
كان عندها اخو مايصلي وملوا كثر ما ينصحونه ويوجهونه وجبير مو صغير ويوم حست ان ما فيه فايدة معاه

صارت تتغطى عنه وبشكل ملحوظ وشي مو طبيعي غطا كامل حتى ويهها تغطيه وضلت على هالحال لمدة شهر او اكثر واذا بغى يدخل اي مكان بالبيت وكانت هي قاعدة تقول لامها او خواتها لحظة قولوله لا يدخل ابروح لغرفتي او احياناً تقعد قباله بحجابها على شان تحسسه.

حاولوا اخواتها وامها يقولون لها موزين تكرهينه فيج هذا اخوج ردت عليهم وقالت : مايجوز اكشف عن واحد كافر ولايجوز اكل واشرب معاه ولا اعتبره اخوي ما دامه كافر لانه مايصلي .
وهو سمع كلامها وبعدها صار مواظب على الصلاة بشكل مو طبيعي وصار يصليها مع الجماعة وبالمسجد.
سوي هالشي وشوفي بعدين هم كبار وعارفين هذي المشكلة والمصيبة.
جربي وشوفس جود الله يهديهم ان شاء الله( انك لاتهدي من احببت ولكن الله يهدي من يشاء)

مشكورين خواتي على ردودكم الي تريح الصدر