بحكم ان اخوي اكبر مني بكثير ما يسوي فيني مقالب قوية يعني يدلعني شوي لانني اصغر منو بس اللي يسويها انه كان دااايييم يقول لي معلومات خاطئة و انا البنوتة البريئة اصدق كلللل كلمة اخوي قال لي خلاص صدق ما في مجال للشك.
مثلا مرة و انا صغيرة كنت احكي معاه و قلت كلمة مرررة عادية و هو قام قال لي وشششش قلتي؟؟؟ و انا استغربت و اعدت الكلمة و هو يقول اعووووذ بالله عييييب يا بنت ذي كلمة عيييب تقوليها معناته شيء مو كويس.
و انا خلاص قريب و ابكي و اقول له خلاااص اخر مرة ما بقولها ابدا و من ذلك اليوم حرممممت اقول هالكلمة. و بعد كم سنين اكتشفت انو اصلا كان يستهبل بس و الكلمة ما فيها شيء ههههههه
و مرة رحنا مكان و شربت من ذيك النافورات اللي فيها ماء للشرب النوع اللي ما توقف الماء فيها ينفر دايما و تجي و تشرب عرفتوها؟
المهم لما شافني اخوي اشرب قال لي وععععع لا تشربي من النافورات ابدا وععععع
و انا استغرب و اقول له ليش؟ قال لان الماء لما تبلعه البالوعة ترجع الى مكان الحنفية و يخرج من النافورة مرة اخرى يعني يعيدون استعمال الماء المستعمل لانهم ما يبون يسرفون الماء
و انا صدقت انهم يستعملون الماء الوسخ مرة اخرى و قلت وعععععع و تقززت و توبة اشررب من النافورات
و كمممم سنة و انا اصدددق هالكذبة و ارفض اشرب من النافورات
و كمان مرة اخذ فلفل اسود من المطبخ و قال لي ريحته غريبة مرررة شميها. و انا بكل براءة اشم الفلفل وطبعا يدخل جوى خشمي و انفجر عطس و كحة يمكن نص ساعة جلست اكح و اعطس ما اقدر اوقف وخشمي احححمر و مورم و ابي هاوش اخوي
بس الحين خلااص توبة اصدق اي شيء يقولها لي لاااازم اتأكد اولا هههههه
اسأل الله ان يرد اخي لنا بالسلامة

رفففففففففففففففففع

مره كنت راكبه مع اخوي بسيارته وقال مدري وش فيه كهرب السياره الله يستر لايطفي والورش حقت السيارات بعيده وانا خفت مررره قلت لو يطفي الكهرب وش يصير تطفي السياره ؟؟ قال لا يثبت العداد وتمشي السياره بدون ماتوقف مااخذنا الا اللمبه اللي ع العداد اللي ورا الدركسون صار الضوء اللي فيها يخف شوي شوي لييين ماطفى واخوي يقول الله يستر الله يستر وانا انجنيت من الخوف وقام يسرع بالسياره ويقول ماتوقف ماتوقف ويصرخ وانا بغيت ابكي قلت حاول توقفها خلنا ننزل بعدين قعد يضحك علي الله يسامحه يقووول مقلبتك

طلع هو اللي يخفف إضاءة العداد وطفاها ههههههههه 