السلام عليكم ورحمة الله
بطرح مشكلة عندي يمكن القى نصيحة او رأي رشيد في حالتي لاني مليت من حياتي لدرجة الاكتئاب والملل والضيق والسوداوية
عندي اخ ربي يهديه يارب لايعرف من الحياة الا كل شيء ممنوع
ممنوع تروحين سوق
ممنوع تطلعين حديقه
ممنوع تروحين دورات
ممنوع تدرسين او تكملين دراستج
ممنوع تسوقين ( طبعا هاي مافيها نقاش كلش)
ممنوع تحضرين اعراس الا الاقارب المقربين جدا جدا مره كل ثلاث او اربع سنوات
ممنوع حتى تتمشين بالحوش او السطح
ممنوع تسافرين
ممنوع تغيرين جو بحر او كورنيش
ممنوع تروحين مستشفى
طيب شنو الاسباب؟؟
يقول حرام بالشرع وكل شيء عنده له دليل حافظة حفظ
الشيء الثاني المغازلجية وايد بالسوق والاماكن العامة اخاف يغازلونج
عندنا دريول بس مب مستفيدين منه حده يوديني دوام فقط روحه ورده بس
اذا بغيت اروح مكان بعد الحاح او ناقشته قال انا اوديج اوك موافقه وراضية وديني يطلع لي مليون شغله يا مشغول يا تعبان يا يشوف برنامج او مباراه يا مع ربعه، وحتى لو طلعت معاه مب كل مكان يصلح اخذه معاي مرات ابي اشتري غرض معين صعبه اخوي يكون معاي وانا اشتريه لانه يدقق ويسأل عن كل شي، اذا بطلعة الروح وداني نتمشى ملل في ملل وكله يبي يرجع او نتم ساكتين وكل واحد يمشي بصوب وباله مشغول اكره اليوم اللي قلت له طلعني احس انه مغصوب لانه اصلا مايحب ولا له مزاج كلش حق الطلعات اغلب وقته يحب البيت، مايعترض لو بروح مع امي بس امي بعد صعبه اخذها معاي لانها كبيرة سن ومقعدة ولا تحب تطلع ولا تقدر تمشي تكسر خاطري وتعب عليها اخذها.
السفر مايحبه كلش اعطيه فلوس واقوله رتبت هالسنه حق سفرة الصيف اللي ماعمري صيفت واحجز له فنادق واراويه الصور واقوله كل شي على حسابي خذ اجازة ونسافر مع بعض بكل سهولة يقول كنسلي كل شي مابي اسافر :( احبااط في احباااط
يمكن تكون مشكلتي تافهه عن البعض لكن انا بالنسبة لي صارت عندي كآبة وحزن بسبة الحبسة في البيت وقوانين اخوي مرات صرت اغيب من الدوام لانها فرصتي الوحيدة عشان اروح موعد مستشفى او اخذ لي شي خلاني اضطر اروح في غيابه وبدون علمه شاسوي
مليت مليت مليت والله :(
حيث لا أكون @hyth_la_akon
عضوة فعالة
يلزم عليك تسجيل الدخول أولًا لكتابة تعليق.
توته وبسكوته
•
اشكوى لله الله يعوضك بالزوج الصالح الي مايرفض لك طلب يارب
مو بس اخوك ناس كثييييييييير زيه مدري وش اقولك بس حبيت اقولك انو فيه ناس غيرك..
الله يرزقك زوج صالح بار تقي نقي حنون طيب كريم يموووووت على الطلعات والتماشي
الله يرزقك زوج صالح بار تقي نقي حنون طيب كريم يموووووت على الطلعات والتماشي
الصفحة الأخيرة