عساكم بخير بنات :)
انا ياطويلات العمر مستعيره النك بتاع بنت خالتي الا سبق وطرحت مشكلتها لكم وجزاكم الله خير ساعدتوها على مشكلة السكن
وقلت لها تطرح مشكلتي لكم بس الله يهديها نست تكتب المشكله من البدايه وحطتها بالاخير لما شاركتو لها فمعظم البنات ماانتبهو للزياده اللي اضافتها الا وهي مشكلتي
فقلت راح اطرحها بنفسي واستعير النك حقها لعلى وعسى القى تجاوب منكم وتساعدوني مثل ماساعدتوها
انا ماادخل منتديات ولااحب اشارك بس سمعت ان هالمنتدى ماشاء الله البنات فيه مثل الاخوات وحبهم في الله فقلت اعرض المشكله بشكل اوضح لعلي القى الحل عندكم
ماراح اطول عليكم المشكله باختصار
ان انا راح اروح الدمام بعد 4 ايام عشان وظيفتي الجديده عقبال اللي يتمنو وماعندي احد اعرفه غير بنت خالتي بس هي راح تسكن مع اخوها وانا مااحب اسكن مع احد اضايقهم ونفسيتي ماراح ترتاح مع ناس ثانيه
ولكن عندي اخو من الرضاعه ماشاء الله على الوالده حاسبه حساب هالشي كأنها تدري اني بتوظف بمنطقه ثانيه ههههه
المهم ان اخوي هذا يجي يزورنا انا وامي وخواتي والله عوضنه فيه لاني ماعندي اخوان من امي وابوي ماعندي غير اخوات صغار وهو ماشاء الله قايم فينا بعد الوالد الله يرحمه وهو ساكن بالدمام ويجي يزورنا اسبوعيا عشان دوامه بالدمام عاد انا لقيتها فرصه اسكن معاه بس المشكله انه ساكن بشقة عزابيه
كيف الحل ناخذ لنا شقه اكون معاه لان حتى هو محتار يقولي كيف اذا استأجرنا بيقولون جيبو الاثبات؟؟؟؟؟؟؟؟؟
فاذا تعرفون احد عنده شقق يتفهم وضعنا ويأجرنا راح اكون ممنونه لكم وربي يشهد بدعي لكم في الحرم اذا ربي كتب ورحت هالايام وماراح انساكم بصلاتي
طلبتكم بنات ساعدووووني مثل ماساعدتو بنت خالتي
نحله فوق نخله @nhlh_fok_nkhlh
عضوة جديدة
يلزم عليك تسجيل الدخول أولًا لكتابة تعليق.
احلى حواء
•
ماعندي فكرة بس سمعت قبل كم يوم ان فية تسهيل للمراة في حجز الفنادق واتوقع لازم يكون معها بطاقة احوال انتي اسالي وشوفي اذا الامر يشمل الشقق
من رأيي إنك الأفضل تصلين صلاة الإستخارة على الوظيفة وعلى إنتقالك للسكن بعيد عن أهلك والله يوفق للي فيه الخير لك :27:
ما راح يقدر لان عيال وبنات الحرام ماخلوا للحلال مطرح
عيشي عند بنت خالتك والا ماله داعي الوظيفه بكبرها والا امك تنتقل وخواتك معك مؤقتا الين تنقلون
شلون تعيشين لحالك واهلك عادي عندهم مايحتاج ومن كثر ها الرواتب اللي تتغربون عشانها
ارجوا مايكون ردي جاف بس الموضوع غريب صراحه معقوله مافيه ولارجال متزوج تعرفينه او قريبه
الله ييسر الخير للجميع
دمتم بود
عيشي عند بنت خالتك والا ماله داعي الوظيفه بكبرها والا امك تنتقل وخواتك معك مؤقتا الين تنقلون
شلون تعيشين لحالك واهلك عادي عندهم مايحتاج ومن كثر ها الرواتب اللي تتغربون عشانها
ارجوا مايكون ردي جاف بس الموضوع غريب صراحه معقوله مافيه ولارجال متزوج تعرفينه او قريبه
الله ييسر الخير للجميع
دمتم بود
الصفحة الأخيرة