اخووي تغيير ما ندري وش صار فييه

السلام عليكم ورحمة الله
كيفكم يا اخواتي
من زمان عنكم وعن عالم حواء ان شاء الله كلكم بخيير
اخواتي انا سبق كتبت بمواضيع سابقه ان امي منفصله عن ابوي من تقريبا 13 سنه واصغر اخواني عمره الان 18 وبثالث ثانوي الله يصلحه ويهديه
المشكله عن اخوي هذا ان سلوكه متغير ماعاد يهتم للصلاة وطاح في الدخان والشيشه ومتعرف على اصدقاء مايصلحون طبعا هالتغيرات من ثلاث سنوات وانا كنت عند جدتي ام ابوي بحكم اني تخرجت من الجامعه وصار يضيق صدري بالبيت لحالي وابي ناس اقعد معهم وهو عند ابوي انا كنت معتبره ان ابوي عنده ومشغول بدراسته وبالاجازه يجي عند جدتي يعني موب محتاجني ويوم الآن اكتشفنا من شهرين الاشياء اللي طاح فيها سحبنا منه السياره وجيت عنده في البيت وصار يصيييح ويصاارخ ويقول انا مسحور انا ناس متحرشين فيني ويقول اسم شخص ويوم جلسوا معه عماني وابوي يفهمون السالفه طلع موب صحيح كلامه واذا رفضنا انه يطلع مع اصدقاء الساعه وحده ونص باليل يقعد يصاارخ ويقول جيبولي لينا ويصييح ابي لينا ويقول لبوي هذا وحده انا متعرف عليها وهي تزوجت الله يوفقها وعطيتها هديه سلسال ومايهمه عاادي كأنه متبلد وانا ما ادري هو صادق ولا يتخيل تعبت وحيرني وديناه لمستشفى الامل وعطوه دواء اكتئاب وفصام لمدة شهر وبعدين ماعاد راح للمستشفى يراجع وديناه لشيخ يقرا عليه وقال عنده ارق وبعد صار يصيييح يقول ابي امي واصلا هو كان مقاطعها له سنه يعيي يروح معي لمها يعني ما ادري السالفه متشربكه حتى انا نفسي موب فاهمه وش فيه اخوي هو يبي علاج نفسي ولا ضرب وتأديب ولا ايش
والله يصلح حالنا ويفرج لنا ابي مشورتكم ياللي عندكم اولاد بالسن هذا والمعذره على حوسه الكلام