اخووي وفلان زوجي المسخـــره ..لا يفوتكم //اكتفى من الردود

السلام عليكم ورحمة الله وبركاته

قبل رمضان فتحت موضوع عن مشكلتي انا وفلان الى هو زوجي والي ماتعرف مشكلتي تدخل موضوعي
عشان تفهم السالفه زين .. قبل اتشوفون االمشكله الثانيه

http://forum.hawaaworld.com/showthread.php?t=3713732


:frown: الحين طلعت مشكله اخوي الكبير من ابوي الي راح اتبره منه الا يوم الدين . تخيلو من بدايه مشكلتي انا وفلان الي اهو زوجي .. اخوي ماعنده خبر ولا احبه يدخل بمشاكلي الشخصيه لانه مريض و ماعنده حنيه علينا ماتربا معنا ابد عكس اخوي من امي مرا حنون علينا لانه متربي معنا ويخاف علينا اما اخوي من ابوي الحرمه عنده ولا شي ومالها كلمه على الرجال يعني بختصار عنده الحريم ولا شي ومالها حق خير تخدمهم ويعاملهم بسلوب قذر ومتعودين عليه من يوم كنا صغار كان يجي يظربنا ويروح مع انه كنا نفرح اذ جاء وامي الله يرحمها كانت تلبسنا احلى لبس عشان نستقبله واخرتها يجي يصفقنا ويطلع يعني زرع الخوف فينا من يوم كنا صغار معقد بمعنا الكلمه الله لا يبليكم ويظرب زوجته وبزرانه وزوجته والله يشهد علي انسانه سنعه ومصليه وقايمه بزوجها وعيالها وبيتها بس انها معطيته اكبر من حجمه واهي شكلها الي خلته يتمادا عليها وعندها عادي اتعودت ..والظاهر يحسب كل الحريم مثل زوجته تنظرب وتنهان وينداس على كرامتها وعادي مابين الرجال وزوجته كرامه على قولته :huh: ههههههههههههه يعني عادي يخون يظرب يسوى الي يسوي تصبر لين الله يهديه ..فهمتو نظامه
واخرتها اتزوج علي زوجته طقاقه اتخيلو لانه واحد حق حفلات وطرب ويعزف باالحفلات وتعرف علي طقاقه وتزوجها .. صدق الطيور على اشكالها تقع . الله هما لا شماته


المهم انا مااحب ادخله بحياتي ابد لانه مايقدر الحرمه ولا يحترمها حتى يوم تملكت مايدري وحلفت ابوي مايعلمه لانه خراب ويفشل
يعني فاهم الرجوله غلط اعطيكم مثال .. مره اختي خطبها واحد وقاله خذها من غير مهر ولا شي احنا نشتري رجال ومانبي منك شي مسوي مرجله على حسابنا كنه هو الي بيدفع من جيبه وصارت مشاكل وخرب كل شي .. وياما وياما شفنا منه مواقف تفشل


المهم من اسبوع تقريبا كنا ماخذين استراحه وابوي عزم اخوي اهو وعياله
وعزم افلان الي اهو زوجي وازواج خواتي كلهم
وعرف اخوي المشكله من زوجــي قال لها عند اهلها 6 شهور يعني نص سنه وانا ماتركته هاالمده الا لاني عفته وهو مايبي يطلق عنده امل ارجع حتى ابووي يبيه وعازمه اه يقهر انا مااهميته انا قاعده احترق قهر
حسبي الله ونعم الوكيل

اخوي انصدم توه يدري ومستغرب ليش ابوي مااقال له وسو لنا سالفه ونكد علينا
وناداني مطلع عيونه فيني لي اكثر من سنه ماشفته واخرتها كذا يسلم علي شوي ويعفط يدي جعل يده الكسر عاد هو مايوطني خير شر من يوم اني صغيره لاني مااخاف منه ولا احب ادخله بحياتي

قالي الحين انتي ليش عند اهلك يقوله بصوت حاد ومطلع عيونه فيني ويقول بترجعيين هاااا بترجعين
يعنني يهدد قلت يصير خيرر ان شاالله وطلعت

وراح خذا السالفه كلها من فلان وجا يناديني
وخذا السالفه مني قلت مايحق له يظربني مهما كان مايظربني قال انتي رافعه عليه السكين ومكسره اغراضه قلت انا بنت لا حولا لي ولا قوة مقدر امد يدي على رجال وش تبيني اسوى اموت على يده وقلت له اني طول وقتي في البيت لحالي ... قالي ماتدخلين بروحته وجيته الرجال مايجلس في البيت وقلت وانا وين حقي قال اذا مقصر على بيته ومجوعك كلميني بس :huh: يلعن مخه وش نظامه
قالي خلاص انا كلمته وادبته بعد يومين وانتي عنده انا انصدمت قلت مراح ارجع قال لا بترجعين انا سلكت له ومشيت لاني عارفه الكلام معه ضايع ..

بعدها بنص ساعه نااداني قالي خلاص انا عطيت الرجال كلمه بترجعين ..! الله يقرفهم قسم باالله قرفوني حسيت اني رخيصه حسبي الله عليهم ونعم الوكيل.. المهم سلكت له ومشيت:dry: بس اهز راسي منصدمه مابي المشاكل باالاستراحه

قالي نادي خواتك وراحو له خواتي المتزوجاات عطاهم محاظرات ويدقهم باالكلام وقالهم والله لو اجي الجمعه ولاقيها مارجعت بيتها لسحبها واطلعها غصب انصدمو خواتي قالو لا تغصبها ترجع براحتها نفخ عليهم قال مافي شي براحتها الحرمه مالها الا زوجها ولو تطلب الطلاق والله لا اروح اطلقها واسحبها عندي وبزرانها اعطيهم ابوهم .. والكلام لكم كلكم

وقال كلام عند ازواج خواتي كبر روسهم يحطنا ولا شي عندهم حسبي الله عليه
ازواج خواتي نقدوو عليه قالو غريب اخوكم
اليوم الثاني والله العظيم اختي وزوجها تمشكلوو يقولها لا تدخلين مته اجي ومته اطلع مع انهم كانو متفقعين
مع بعض ..

المهم جاء يوم الجمعه وقام يهدد ليه مارجعت ويكلم اختي و ابوي مايدري عن شي
وتعلمني اختي تقول شكله بيجيك الحين ..واقوم انا وعبي لي شنطه واغراض البزران واستعد للنحشه
اااااااااااااااااه بس ودق علي ابوي منهاره ولدك هاذا لا يتدخل بحياتي ولا قسم باالله مايصير خيرر لا يدخل بحياتي ((( والله العظيم اني من قهري جتني افكار اعوذ باالله افكار جهنميه:mad2: يعني يمكن بذاك اليوم ارتكب جريمه مجهزه السيـــف حقي قسم باالله عندي سيف حاد شريته عشان ادافع عن نفسي :huh: شوفو وين وصل فيني الحال وش اسوي ماعد فيه امان على الاقل مايقدر يمد يده على او ياخذ بناتي او يقرب لهم والله لا اقصهم له اخليه عبره لكل الي مثل امثاله ظالم))
..
ابوي مايدري عن شي وتكلمه اختي وتقوله .. ويتصل على اخوي ويحوسه ليش وليش تقولها هاالكلام اثاري ابوي معطيه وكاله عن خواتي كلهم ليش مدري ؟ قال يبه مو انت قلت لك الحم والي العظم ..
المهم صار بينه وبين ابوي نقاش حاد وقاله تنزل كلمتي عندهم لا انت ابوي ولا اعرفك
وسكر بوجه ابووي

والحين قبل يومين رجع ابوي يدق عليه حن عليه ..ويقوله يبي يرجعني غصب وابوي يحلفه ماايدخل ومعاند يبي المشااكل حسبي الله عليه
وكلم اختي يتحلف فيني يعرف انه اختي تقولي يدور الشر ومعطيني مهله ارجع لو مارجعت
على قولته بيتصرف


وشـ رايكم انتم الحيين .. كيف اتصرف وكيف ادافع عن نفسي وعن بناتي وين اروح من يدافع عني وين حقي بيوروح وش بسوي شكيتهم الله حسبي الله عليهم ..

دورولي حل ضروري جوبو لي ارقم ولا حقوق الزوجات المعنفات ولا اروح اشكيهم وش ااسوي انصحوني