الــسلام عليكم ورحمة الله ^_^
الحمدالله تفععلت عضويتي ولي الفخر أكون في هالمنتدى
..........................
بدخل في الموضوع عـندي اخوي الحين بثالث ثانوي طبعا هو انسان مبدع وذكي ويتحمل المسؤولية لدرجة اذا بغينا طلبات او شي نقول له هو بالذات مع ان عنده اخوان اكبر منه لكن مو مهتم بدراسته ويغيب
المشكلة انه من دخل اولى ثانوي وهو مزعج أهلي وبالذات امي اخطبوا لي ودوروا لي بنت الحلال يعني تخيلوا سنتين وهو يززن علينا
...........
مشكلته ما عنده صصبر ونقول توك صغير يقول انا ابي بس اخطب ومو مستعجل على الزواج أحسن لي أرتبط ببنت بالحلال ولا أرتبط بوحدة بنت حرام في النت
.............
وأبوي تعباان ويدري بالسالفة بس مو معطيه وجه ومطنشه وحاولنا نطنششه لكن صار هالموضوع الشي الوحيد اللي يتكلم فيه
...............
مع العلم هو عنده ثلاسيميا نوع من انواع فقر الدم ويسوي نقل دم كل شهر تقريبا لكن حالته جدا مستقرة وكأنه انسان طبيعي وممكن أفضل من بعض الأسوياء
................
وامي محتارة وما ندري وش نسوي نخطب له وخاف نتفشل يقولون الولد توه بزر ومدري ايش
وانا ما كتبت الموضوع الا يوم عرف ان واحد يقربلنا في نفس عمره تزووج لكن ابوه مساعده وعندهم مزارع وخير
وبدى يززن أكثر وأكثرر
طبعا هو مافي بنت في باله يقول ابي وحدة ملتزمة تعيني على الصلاة وتعرف تطبخ وتكون قصييرة
والله يا بنات كأنه شاايب ما شاء الله عليه
يا ليت تساعدوني وش الحل معه وأسفة كثررت كلام
ندوو374 @ndoo374
عضوة جديدة
يلزم عليك تسجيل الدخول أولًا لكتابة تعليق.
يا زين والله طلبه بيوفر على الحرمة الكعب العالي دام وده بالقصيرة زوجوه طيب دوروا له من عند خطابه الا تلقون له حد
الله احلا يالقصيرات الرجال تعجبهم أجل : ))
والله من رأيي تستنون شوي قوللي له البنت تبغى واحد موظف ويتحمل
بس كذا بلا وظيفه م ينفع
والأفضل يدرس جامعهه عشان ياخذ شهاده حلوه ويقدر يدخل شركااات برواتب فضيعه : ))
الله يوفقه بس اذا خايف من الحراام أنا افضل تملكون له يزورها بالملكه يخفف حنته عليكم
والله من رأيي تستنون شوي قوللي له البنت تبغى واحد موظف ويتحمل
بس كذا بلا وظيفه م ينفع
والأفضل يدرس جامعهه عشان ياخذ شهاده حلوه ويقدر يدخل شركااات برواتب فضيعه : ))
الله يوفقه بس اذا خايف من الحراام أنا افضل تملكون له يزورها بالملكه يخفف حنته عليكم
الصفحة الأخيرة
بنت خالتك بنت عمك وحده تدري بظروفه ومستعده تتحمل