اخوي

عادي علميها خليها تعرف بعدين في واحد كان عقيم عشرين سنه وبعدها زوجته أنجبت سبحان الله من مقطع المغامسي ارسلي لخوك مقطع الشيخ المغامسي للحمل والله يرزقه ويرزق الجميع

خبروها مافيها شي وبما ان معها ولد يمكن تكتفي بولدها وتبغى تتزوج وتستقل عن اهلها وممكن ربي يرزقهم اطفال ماتدرين انتي اساليها وخوذي العلم منها

هو يقول لابوي ان فيه تحسن وابوي قالي وانا بالنسبة لي مستحيل اسأله لأن الموضوع محرج والبنت لو بقولها ايش بقولها اقولها اقول كان عقيم وسمعت انه متحسن احس مراح تطلع مني هالكلمه

قوليلها كل شي اخوي تعالج لاتقولين عقييييم كانك تقولين مافيه امل ولا في العلاج قولي جلس مع زوجته الاولى خمس سنين وهو اللي فيه المشكله وطلق زوجته عشان تدور غيره خليها يمكن تحمل منه على طوليمكن معها هي تحمل منه بدون مشكلتراه مو كل الحاريم يتركون الرجال الزين فيه حاريم تتمسك بالرجال حتى لو فيه مشكلة الخلفه لي قريبه مثل كذا رافضه الطلاق من حبها لزوجها والعقم فيه هو حتى ولا يبي يتعالج زوجها وهي راضيه حتى اهلها حاولوا فيها تتطلق رفضت تبيه هو تقول مابي عيال ومتمسكه فيه فوق ال17 سنه متزوجه ولا عمرها جربت الحمل والحين عندها ولد عمره تقريبا 4 سنين اخذوه من الدار بعمر ثلاث شهورولعلمك فيه رجال وحاريم يكونون عقيمين مع ازواجهم اذا تزوجوا غيرهم حملوا على طولقريبي كذا تزوج وحده يحبها وعاش معها فوق ال10 سنين وقابلين هم كلهم سليمين وحاولوا يعالجون ويسوون ولا صار حمل ابد مادري وش جاه هو وصار يكرها زوجته مادري من ايش وتفرقوا وكل واحد تزوج ثاني من اول سنه هي حملت وهو زوجته برضو من اول سنه زواج حملت كلهم جابوا عيال وبنات ولا فيهم عقم فيه ناس مع بعض ماينجبون بس اذا تزوجوا غيرهم على طول يحملون فخلي اخوك يشوف نصيبه معها (( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا ))

توكلي على الله وكلميها ... مارح تغصبينها على شي ...هي طالعة من تجربة فاشلة ويمكن اهم ما عندها زوج خلوق يدلعها ويفرح فيها ... وممكن تكتفي بولدها والامل بالله كبير
قولي لها سبب انفصاله عن زوجته انه عقيم ،،، وانه راح تعالج بالهند .. وان شاء الله يكوناستفاد .... ماتبان النتيجةالابالزواج


الله يعينه مارح يلاقي زوجة بسهوله ،،، كل الحريم يبون ذرية ..
نعرف واحد كان عقيم ،، وتزوج عدة مرات وما خلف ،ويطلبن طلاق ،،
بعدها صار يخطب ولا احد اعطاه،،،رغم انهله مركز وظيفي مرموق وشبعان ماديا ،،
وبالاخر توسطت اختي في تزويجه من قريبتنا كانت مطلقه وعندها ولدين ،،،
وتزوجته وماشاء الله عليها استمرت في دعمه وعطته علاجات شعبية ثم سوت طفل انابيب مرتين وللهالحمد عندهاالان منه 3بنات وولد ،،، غير عيالهامن الاول