اخوي اخر العنقود محتارين معاه و خايفين على دراسته ..

السلام عليكم

يا بنات و امهات انا فيه موضوع شاغل بالي .. و بحكم اني ما عندي اطفال و لا لي خبرة قلت استشيركم يمكن فيه منكم نفس وضعنا

اخوي يا اخواتي اخر العنقود محتارين فيه مدري كيف نتصرف معاه ..؟!

خلوني اقول لكم وضع بيتنا و شوي من شخصيته عشان تكون عندكم صورة للمشكلة

ابوي متوفي الله يرحمه و موتى المسلمين .. انا تزوجت و عشت بمدينة ثانية .. و لي اخ بالجامعه برضو بمدينه ثانيه .. مين صار بالبيت ؟ امي و اختي بالجامعه و اخوي اخر العنقود ( صاحب المشكلة ) باولى متوسط ..

اخوي هذا مدمن بلايستيشن لانه مافي احد يلعب معاه او بعمره .. ( اصلا اللي بعمره الحين كلهم همهم البلايستيشن و لا هو اجتماعي مرا ) و نبي نطلعه من جوه هذا محنا عارفين لانه بدا ياثر على دراسته و هو داخل على مرحلة صعبة لازم يركز .. قلنا ندخله نادي .. بس رحمناه .. لانه يداوم بالصباح بالمدرسة و المغرب يروح لمدرس خصوصي .. ما ندري بايش نشغله ايش نسوي له .. نبي نطلعه  من جوه هذا

ياليت تسعفوني باقتراحاتكم و ارائكم لانه انا و امي مرا محتارين و خايفين عليه