اخوي الصغير و زوجي / تم الرد

السلام عليكم و رحمة الله و بركاته

يابنات بدخل بالموضوع على طول

انا هالعيد بإذن الله اكمل سنه من زواجي

و لما تزوجت اخوي الصغير تأثر و كان بس يبكي وهو عمره الحين 8 سنين

و من بعد الزواج كنت بين فتره و فتره اخذه عندي بالبيت

وهو يصر لما اروح لاهلي و يشوفني راجعه بيتي ينشب يروح معاي

و انا ارحمه و اخذه

ماكان يتضايق زوجي عادي

بس من فتره بسيطه لما اخذته كان زوجي يبيني

و انا كنت رافضه اقوله مو الحين لما اجبرني وقتها جا اخوي دق باب. البيت الخارجي

قمت قلت لزوجي بروح افتحله حرام اخليه بالحوش

زعل مني و وداني بيت اهلي ولا كلمني الا بعد كم يوم

مع اني ماحسيت الموضوع يسوا هذا كله

ووضحتله اني خفت عليه يبقى بالحوش و لا يبكي يفكرني رحت لما ماحد يفتحله الباب

يقول عادي مابيموت وربي انقهرت

المهم

بعد هللمره كان اخوي يبي ينام عندي و كنت ارفض اخليه يجي معاي

لاني مابي يكون ثقيل على زوجي ولو اني زعلتةو حزت بخاطري

وقلتله هالشي و قلت لو احد من اهله عندي و سويت فيه مثل ماسوا فيني ماكلمته بالايام

هل بيرضى و لا بيزعل ؟ بس تحجج بانه قفلت اخلاقه ومشيتها

وامس نفس الشي اخذت اخوي لان كان فيه عيال صغار من اقاربي بنفس الفله

و خليته يلعب معهم

ورحت شقتي

الا زوجي جا يبيني قلتله استنى اخوي اكيد بيجي الحين خله يجي و اصرفه باي شي عشان مايجي يدق باب البيت علينا

رفض ومشا اللي براسه ومامداه الا. اخوي يدق باب البيت وينادي ومحد يرد

حسيته خاف و رحت افتحله وقلتله حبيبي روح العب انا اخلص شغلي واناديك وراح

وارجع لزوجي الا يصارخ و يطلع من البيت و يرسل رساله يقول تجهزي بوديك لاهلك

و اصلا كنت رايحه لان هو عنده استلام بس ماعجبتني طريقته

وكنا متفقين بيوم العيد يجي ياخذني من بيت اهلي ونطلع نتمشى بعد مايخلص استلامه

بس قالي واحنا بالسياره انا قررت ماعاد***وكفايه هالولد

وانا ولدي لسى توه كمل شهرين

وقال بيوم العيد قولي لاهلك اني مستلم يعني قصده مابجي اخذك

وكملها قال ولا قولي لهم الحقيقه

انقهرت منه وومن اسلوبه لاني ماسويت شي

انا رجعتله ماتسوى هالزعله كلها

قمت صارخت وقلتله دامك وصلتها لهالدرجه انصحك ماترجعني لين ماتكلم ابوي

وتعلمه بسبب زعلك السخيف

المهم يابنات بحيره انا ماشوف السبب يزعل لهالدرجه

طفل صغير تصرفاته مو مقصوده

وبعدين كلها ثواني ورجعتله

افكر اني اكبر الموضوع و اوصله لابوي

او اني اخذ موقف قوي منه ولا ارضى على طول

لانه مصخها ساير يزعل على اسباب و يتمشكل على اشياء انصدم انه زعل منها

بس من الموقف اللي قلته تحسون معاه حق ؟

عموما كان ودي افضفض لاني موقادره اتكلم او ابين لاهلي شي

ولو اني ودي اتكلم و احرجه قدامهم بس مابي استعجل