اخوي المبتعث وزوجته ورفضها للذهاب معاه

انا بأحكي قصة اخوي وبصراحة انا افضفض لاني بنبط من القهر ولا ادري وش اسوي

اخوي موظف وراتبه حلو معيش زوجته أحلى عيشة مدلعها احلى دلال ، المهم وبعد سنتين ومولودة زي القمر

رزق اخوي مكافأة من عمله ابتعاث لامريكا لإكمال الماجستير المهم جهز كل اوراقه وطلع الفيزا له ولعياله واستأجر الشقة اون لا ين وشرا اثاث اون لاين وقبل سفره بيوم يفاجأ بأن زوجته ترفض ان تذهب معه بحجة انها ( ماتبي تتمرمط )
وتفضل البقاء عند اهلها لحد ما ينتهي من دراسته ...

المهم الرجل انصدم من القرار وناصحة وطلب من ( مطوعات العايلة ) يكلمونها ويذكرونها بأنه تأثم لتعريضه للحرام ومن هالكلام الطيب ...

في النهاية راحت معاه وهي على مضض وبعد اسبوعين تقريبا طلبت الرجوع وكل اسبوع او اسبوعين تطلب الرجوع

اكتشف اخيرا ان واراء كل المصايب امها تكلمها بالبلاك بيري وتحرضها ع زوجها ومن هالكلام ... طبعا قرا المسجات كلها

الرجل محتار ويراسلني عن طريق السكايبي ويشتكي لي وفي نفس الوقت يشاورني ولا ادري وش اقوووله :(


طبعا قبل الحلول ابي رأيك في هذه الزوجة وهل فيه ناس كذا فعلا ؟ وقت حاجة الرجل يتخلون عنه ؟

تحياااتي للجميع